"ნანუკას შოუმ" ავღანეთში დაღუპული გმირების დედებს უმასპინძლა. მათ მაყურებელს საკუთარი შვილების ცხოვრებასა და გმირობის შესახებ უამბეს. ერთ-ერთი სტუმარი იყო ნაღმზე აფეთქებული 22 წლის გიორგი გოგუაძის დედა, რომელმაც საზოგადოებას უამბო ემოციური ისტორია მისი შვილის სიყვარულისა და საცოლის შესახებ, რომელმაც დაღუპული შეყვარებული ღირსეულად იგლოვა. შვილმკვდარმა დედამ შვილის საცოლეს სატელევიზიო ეთერით უსურვა, რომ იპოვოს ახალი სიყვარული.
ქალბატონმა ნანამ გმირების დედებსაც მიმართა და მათ გამძლეობა უსურვა. როგორც მან განაცხადა, სადაც საქართველო დგას, იქ მათი შვილებიც დგანან და მათი გზა წინაპრების გზის გაგრძელებაა.