უამინდობა საქართველოში - ტაბაწყურში თოვლი მოვიდა

სამცხე-ჯავახეთის მთებში თოვლი მოვიდა. როგორც "ინტერპრესნიუსს" ტაბაწყურში მცხოვრებლებმა განუცხადეს, ტაბაწყურში თოვლის საფარი 5 სანტიმეტრამდეა, მთებში კი უფრო მაღალია.

ადგილობრივების თქმით, თოვლს მოსახლეობისთვის პრობლემები არ შეუქმნია.

"დღეს დილით დაიწყო თოვა, 5 სანტიმეტრამდე თოვლი მოვიდა, საშემოდგომო სამუშაოები უკვე დასრულებული გვაქვს და პრობლემები არ შეგვქმნია. თოვლის საფარი დაბალია და გადაადგილების მხრივ პრობლემები არ არის", - აცხადებენ ადგილობრივები.