სოფელ წითელუბნის ტერიტორიაზე ორი მწყემსი დააკავეს

სოფელ წითელუბნის ტერიტორიაზე ორი მწყემსი დააკავეს

ოკუპირებული ტერიტორიის მოსაზღვრედ მდებარე სოფელ წითელუბნის ტერიტორიიდან შეიარაღებულმა პირებმა ორი მწყემსი დააკავეს.

სოფელ წითელუბნის მცხოვრებლები კახა ბეღელური და გივი ქისიევი სოფლის პირუტყვს წითელუბნის განაპირას აძოვებდნენ, რა დროსაც შეიარაღებული პირები გამოჩნდნენ. დაკავების შესახებ ოჯახის წევრებს კახა ბეღელურმა ტელეფონით აცნობა. დაკავებულების ახლობლების განცხადებით, სოფლის პირუტყვს ყოველდღიურად სწორედ აღნიშნულ ტერიტორიაზე აძოვებენ.

დაკავებულების ახლობლების მტკიცებით, ბეღელურს და ქისიევს ე.წ. საზღვარი არ გადაუკვეთავთ და მათი დაკავება ქართული მხარის კონტროლირებად ტერიტორიაზე მოხდა.

არსებული ინფორმაციით, დაკავებულები ოკუპირებულ ტერიტორიაზე მდებარე სოფელ წინაგარის მილიციის განყოფილებაში ჰყავთ გადაყვანილი.

"ინტერპრესნიუსი"

ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია