დინამო თბილისის პრეზიდენტი რომან ფიფია ნონა გაფრინდაშვილს გამარჯვებას ულოცავს, რომელიც მოჭადრაკემ 74 წლის ასაკში იტალიაში, ვეტერან მოჭადრაკეთა მსოფლიო ჩემპიონატზე მოიპოვა.
"გულითადად ვულოცავ ცოცხალ ლეგენდას, საერთაშორისო დიდოსტატ ქალბატონ ნონა გაფრინდაშვილს სენიორების 25-ე მსოფლიო ჩემპიონატზე გამარჯვებას. ქალბატონი ნონა გაფრინდაშვილი 74 წლის ასაკში ისევ მსოფლიო ჩემპიონია!", - ნათქვამია მილოცვის ტექსტში.