ფილტრიანი სიგარეტი - 20 თეთრით, სასმელის ზოგიერთი სახეობა კი 10-15 ლარით გაძვირდება?
სიგარეტი და ალკოჰოლური სასმელი შესაძლოა გაძვირდეს. საგადასახადო კოდექსში ცვლილებების შეტანის თაობაზე მთავრობის ინიციატივას დღეს რამდენიმე კომიტეტი განიხილავს. ინფორმაციას ამის შესახებ "რუსთავი 2" ავრცელებს.
მისი დამტკიცების შემთხვევაში, პირველი იანვრიდან ფილტრიანი სიგარეტი - 20 თეთრით, სიგარის ერთი ღერი - 40 თეთრით, ერთი ლიტრი ალკოჰოლური სასმელის ზოგიერთი სახეობა კი 10-15 ლარით გაძვირდება.
მთავრობა კანონპროექტის დაჩქარებული წესით განხილვას ითხოვს. როგორც განმარტავენ, კანონპროექტის მიღება დაახლოებით 90 მილიონი ლარით გაზრდის 2016 წლის ბიუჯეტის საშემოსავლო ნაწილს.
"ნაციონალური მოძრაობაში" ხელისუფლების ამ გადაწყვეტილებას აკრიტიკებენ და აცხადებენ, რომ ამ კანონპროექტს მხარს არ დაუჭერენ.
"ყველა მიმართულებით ეს არის ცუდი ინიციატივა და ჩვენ მას მხარს არ დავუჭერთ", - განაცხადა პეტრე ცისკარიშვილმა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
