დიღომში, "თბილისი მოლის" მიმდებარე ტერიტორიაზე შუახნის მამაკაცის ცხედარი აღმოაჩინეს

დიღომში, "თბილისი მოლის" მიმდებარე ტერიტორიაზე შუახნის მამაკაცის ცხედარი აღმოაჩინეს. როგორც "ინტერპრესნიუსს" თვითმხილველმა აცნობა, გარდაცვლილია შუახნის მამაკაცი, რომელსაც სავარაუდოდ თავში აქვს ჩარტყმული. მისი ვინაობა ჯერჯერობით უცნობია. არსებული ინფორმაციით, ცხედარი თავდაპირველად საქართველოში ამერიკის საელჩოს თანამშრომელმა ნახა.

"ინტერპრესნიუსს" შინაგან საქმეთა სამინისტროში ცხედრის შესახებ ინფორმაცია დაუდასტურეს, თუმცა დეტალები არ დააკონკრეტეს. მათი ინფორმაციით, გამოძიება მიმდინარეობს სისხლის სამართლის კოდექსის 108-ე მუხლით, რაც განზრახ მკვლელობას გულისხმობს.

"ინტერპრესნიუსი"