მეტროსადგურ "დელისში" მამაკაცი გარდაიცვალა. როგორც "ინტერპრესნიუსს" საქართველოს შინაგან საქმეთა სამინისტროში განუცხადეს, შემთხვევა მიწისქვეშა გადასასვლელის გვირაბში მოხდა. მათივე ინფორმაციით, ხანდაზმულ მამაკაცს დაზიანებები არ აღენიშნება და იგი სავარაუდოდ, ბუნებრივი სიკვდილით გარდაიცვალა.
უწყების ინფორმაციით, გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულსიხმობს.
გარდაცვლილს ექსპერტიზა ჩაუტარდება.