9 იანვარს სინოპტიკოსები ძლიერ ქარს პროგნოზირებენ 8-9 იანვარს საქართველოში მოსალოდნელია წვიმა, მთაში თოვლი, ზოგან ძლიერი. მაღალმთიან რაიონებში ზოგან ქარბუქი. 8-12 იანვარს მოსალოდნელი ამინდის პროგნოზის შესახებ ინფორმაციას გარემოს ეროვნული სააგენტო ავრცელებს.
როგორც "ინტერპრესნიუსს" სააგენტოდან აცნობეს, 9 იანვარს იქროლებს დასავლეთის ძლიერი ქარი. ჰაერის ტემპერატურა მოსალოდნელია +4, +9 გრადუსი.
10-12 იანვარს ნალექი შენარჩუნებული იქნება მხოლოდ დასავლეთ საქართველოს ზოგიერთ რაიონში, აღმოსავლეთ საქართველოში ნალექი შეწყდება. ჰაერის ტემპერატურა მოიმატებს, განსაკუთრებით დასავლეთ საქართველოში.
11-12 იანვარს მოსალოდნელია +15, +17 გრადუსი, აღმოსავლეთ საქართველოში კი +8, +13 გრადუსი.
იხილეთ დღევანდელი ამინდის პროგნოზი
გამოიწერეთ საზოგადოების სიახლეები და იხილეთ ის თქვენს Newsfeed-ში!
AMBEBI.GE/საზოგადოება