კვირის ყველაზე კითხვადი სტატიები
თვის ყველაზე კითხვადი სტატიები
14:29 / 09-01-2016
"ისეთი შეგრძნება მაქვს, თითქოს ახლა დავიბადე" - რას ყვებიან თანაგუნდელები "გუნდის კაც" ზაზა ფაჩულიაზე ESPN-ის სტატიაში
გავლენიანი ამერიკული სპორტული გამოცემა espn.com ზაზა ფაჩულიას ვრცელ სტატიას უძღვნის. სტატიის ავტორი ტიმ მაკმაჰონი წერს, რომ ფაჩულიამ, "დალას მავერიკსის" კლუბში გადასვლით, გუნდი მნიშვნელოვნად გააძლიერა.

"ვიცი, რომ ეს მოულოდნელი იყო ბევრი ადამიანისთვის, მაგრამ სიმართლე გითხრათ, ისეთი შეგრძნება მაქვს, თითქოს ახლა დავიბადე, - ამბობს ფაჩულია espn.com-თან საუბარში, - არ მინდა ცუდად ვახსენო გუნდები, სადაც ადრე ვიყავი, მაგრამ ჩემი კარიერის განმავლობაში ეს საუკეთესო ადგილია. წინა გუნდთან ყველაფერი ნულიდან დავიწყეთ. აქ კი ჩემთვის განსხვავებული სიტუაციაა, გუნდი მიმართულია მხოლოდ გამარჯვებისკენ,
მხოლოდ წარმატებისკენ. ჩემი მოსაზრებით, ეს ერთ-ერთი მიზეზია, რატომაც მივიღე ასეთი შედეგები. მადლობელი ვარ ამ შესაძლებლობისთვის და მადლობელი ვარ იმისთვის, რომ აქ ვარ", - ყვება ფაჩულია.

როგორც ტიმ მაკმაჰონი წერს, "დალას მავერიკსში" ნამდვილად არ ეგონათ, რომ ფაჩულია ასეთ შედეგებს აჩვენებდა. მისი თანაგუნდელი დირკ ნოვიცკი ყვება, რომ ფაჩულიას თამაშზე არაფერი იცოდა და ზაზამ მას თავისი საუკეთესო თამაშების ვიდეორგოლები ელექტრონული ფოსტით გაუგზავნა. სტატიის ავტორი წერს, რომ ეს სავსებით გასაგებია, რადგან ადრე ქართველი კალათბურთელი შედარებით დაბალშედეგიან გუნდებში - "ორლანდოში", "ატლანტასა" და "მილუოკიში" თამაშობდა და იშვიათად ჩნდებოდა გავლენიანი გამოცემების გვერდებზე.

როგორც espn.com წერს, მას შემდეგ, რაც 21 წლის ასაკში ზაზა ფაჩულია "ატლანტა ჰოუქსში" გადავიდა, პირველად ხდება, რომ ის მუდმივად გუნდის სასტარტო შემადგენლობაშია. 2006-2007 წლების შემდეგ ფაჩულიამ მნიშვნელოვან წარმატებას მიაღწია. "ის ძალიან ჭკვიანი ადამიანია, - განმარტავს რიჩარდ კარლაილი, "დალას მავერიკსის" მთავარი მწვრთნელი, - მიხვდა, როგორ უნდა ითამაშოს ეფექტურად ჩვენს სისტემაში, მოსწონს გამოწვევა და ყოველთვის ცდილობს, გამოწვევას გამარჯვებით უპასუხოს".

სტატიის ავტორი წერს, რომ ფაჩულია თანაგუნდელებში დიდი სიყვარულით სარგებლობს. დირკ ნოვიცკი ქართველ კალათბურთელს "უმნიშვნელოვანეს" თანაგუნდელს უწოდებს. ამ მოსაზრებას იზიარებს ყველა სპორტსმენი, რომელსაც ზაზასთან ოდესმე უთამაშია. "ის უანგარო ადამიანია, ოღონდ კი გუნდმა გაიმარჯვოს, ის ერთნაირად ბედნიერია მაშინ, როცა 0 ქულას იღებს და მაშინაც, როცა ორმაგი დუბლი აქვს. ის გუნდის კაცია", - ამბობს ნოვიცკი.

სტატიის ავტორის შეფასებით, "მავერიკსის" გულშემატკივრებისთვის ზაზა ფაჩულია ფავორიტია, შესაძლოა საკულტო ფიგურაც კი. "ის ნამდვილი მებრძოლია", - ამბობს "მავერიკსის" მოთამაშე დევინ ჰარისი, რომელიც ფაჩულიასთან ერთად "ატლანტაში" თამაშობდა, - გასახდელ ოთახში ყოველთვის დასისხლიანებული შემოდის და ძირს ეცემა. ზაზას სიმტკიცე სწორედ ის არის, რაც ჩვენს გუნდს სჭირდება", - ამბობს ჰარისი espn.com-თან საუბარში.

მომზადებულია espn.go.com-ის მიხედვით

ხილეთ ვიდეო


როგორ უნდა დაუჭირეთ მხარი ქართველ კაპიტანს, რომ "ყველა ვარსკვლავის" მატჩში ითამაშოს!
19:12 / 09-01-2016
gio
0
კალა არც არაფერია. აი კაცი<br />
გამოეხმაურე / 0 /
15:24 / 09-01-2016
არჩილ ხოფერია
0
ძალიან ამაყი ვარ ასეთი თანამემამულე რომ მყავს ! გავუგზავნოთ მხარდაჭერის ხმები http://vote.nba.com/##groupP აქ შეხვალთ P -ზე იპოვით პირველივე ზაზაა და VOTE დააწკაპუნეთ
გამოეხმაურე / 0 /
მსგავსი სიახლეები
”სამშენებლო და სარემონტო მასალები და მშენებლობის პროცესი საერთაშორისო სტანდარტების დაცვით მიმდინარეობს”
ზაზა ფაჩულია და მისი მეუღლე თიკა ალავიძე მეოთხე შვილის მშობლები გახდნენ
+VIDEO| ფაჩულიას მეუღლემ ამერიკაში იმშობიარა
თიკა ალავიძე სულ მალე ელოდება მეოთხე პატარა ფაჩულიას დაბადებას
+VIDEO: ფაჩულიას თბილისის საერთაშორისო აეროპორტში გულშემატკივრები დახვდნენ
ფაჩულიამ თანაგუნდელები ზაფხულში, ბათუმის ჯაზ-ფესტივალზე დასასწრებად მოიწვია
"ახლა ფაჩულიას ჩემპიონის ბეჭედი აქვს -კიდევ ერთი მტკიცებულება, რომ ცხოვრება უსამართლოა"
ამ კატეგორიის სხვა სიახლეები
18:12 / 17-01-2018  Image რატომ შევიდა ბაგა-ბაღებში რძის პროდუქტი ღვინის ეტიკეტიანი შეფუთვით? - "მილკოფუდის" განმარტება
"არასწორად ეტიკეტირებული რძის პროდუქტი აბსოლუტურად უსაფრთხოა"
15:25 / 17-01-2018  Image "პატრიარქს სთხოვა მოენათლა, ციხეშივე მონათლეს..." - რას ჰყვება მარეკ დუდაევზე მისი ქართველი ადვოკატი
"ერთხელ მითხრა, ისეთი ცხოვრება მაქვს გავლილი, ნეტავ რატომ გადავრჩიო..."
13:10 / 17-01-2018  Image 3 პირის დაჭრაში ბრალდებულ თამაზ ქვლივიძეს პატიმრობა შეუფარდეს
ქვლივიძე დარბაზშივე დააპატიმრეს
22:18 / 17-01-2017  Image როცა ლოგინის თეთრეულს ყიდულობთ, ეს უნდა იცოდეთ
ლოგინის თეთრეული დიასახლისის ერთ-ერთი მთავარი საზრუნავია
17:23 / 17-01-2018  Image "მაგთიკომმა" ტარიფების გაზრდა დროებით შეაჩერა
"მაგთიკომმა" კომუნიკაციების ეროვნული კომისიის წერილობითი თხოვნა გაითვალისწინა

პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49