კვირის ყველაზე კითხვადი სტატიები
თვის ყველაზე კითხვადი სტატიები
07:11 / 27-01-2016
როგორ უნდა მოვიქცეთ ავიაბარგის დაკარგვისას და რა უჯდებათ ავიაკომპანიებს ზარალის ანაზღაურება - საჭირო ინფორმაცია მგზავრებისთვის
თვითმფრინავით მგზავრობა, თანამედროვე ცხოვრების განუყოფელი ნაწილია. ყოველწლიურად პლანეტის მასშტაბით საჰაერო ტრანსპორტით ასობით მილიონი ადამიანი სარგებლობს.

საავიაციო ტრანსპორტის შეუფერხებელ მუშაობას და მგზავრების კომფორტს მრავალი ფაქტორი განაპირობებს. ერთ-ერთი მათგანის "მწყობრიდან გამოსვლას" შეუძლია თქვენი მოგზაურობა  ნამდვილ ჯოჯოხეთად აქციოს. ყველაზე გავრცელებული მოვლენა ბარგის დაკარგვაა. სტატისტიკურად, ყოველწლიურად ავიაკომპანიები მსოფლიოს მასშტაბით 22-24 მილიონ ერთეულ ბარგს კარგავენ. მათგან 800-850 ათასი ჩანთა და ჩემოდანი სამუდამოდ ქრება. ევროკავშირის კანონმდებლობით, ბარგის ერთ ერთეულზე გადახდილი კომპენსაციის მაქსიმალური თანხა 1134 ევროთი განისაზღვრება. 2014 წელს დაკარგული ბარგის კომპენსაციების სახით ავიაკომპანიებმა თითქმის 1 მილიარდამდე
დოლარი გაიღეს. ფინანსურ ზარალთან ერთად, ბარგის დაკარგვა უარყოფითად ავიაკომპანიის იმიჯზეც აისახება.

ყველაზე ხშირად ბარგი ტრანზიტული ავიარეისებისას იკარგება. აეროპორტის პერსონალმა თქვენი ჩემოდანი შეცდომით შეიძლება სულ სხვა თვითმფრინავში გაამწესოს. ან სულაც მისი ლაინერზე დატვირთვა დაავიწყდეს. მგზავრების უწყვეტი ნაკადი და ადამიანური ფაქტორი თავის "შავ საქმეს" აკეთებს. ბარგს ადამიანები ემსახურებიან, ადამიანს კი შეცდომები ახასიათებს. ნებისმიერ შემთხვევაში, ბარგის დაკარგვა მგზავრისთვის არასასიამოვნო მოვლენაა.

როგორ უნდა მოვიქცეთ, თუ აეროპორტში დაშვების შემდეგ, კუთვნილი ბარგი არ დაგვხვდა?

უპირველეს ყოვლისა, მიმართეთ აეროპორტში არსებულ დაკარგული ნივთების მოძიების ოფისს, ე.წ Lost&Found-ს. შემდეგი ნაბიჯი სპეციალური ანკეტის შევსებაა. აქ თქვენ მაქსიმალურად დეტალურად უნდა აღწეროთ დაკარგული ჩანთის ან ჩემოდნის ფერი, ზომა, ფორმა, მისი მარკა და მწარმოებელი (თუ გახსოვთ, რა თქმა უნდა), მასალა, რომლისგანაც ის არის დამზადებული. შეეცადეთ, აღწერაში შეიტანოთ ინფორმაცია თქვენს დაკარგულ ბარგზე ბორბლების და სახელურების განლაგების და რაოდენობის შესახებ. ყველა ეს ნიუანსი ავიაკომპანიას თქვენი ბარგის მოძიებაში დაეხმარება.

ასევე მიუთითეთ საპასპორტო მონაცემები, ინფორმაცია თქვენი ავიარეისის შესახებ და საჭდის (ე.წ "ბირკის") ნომერი. ამ პატარა ქაღალდს განსაკუთრებული მნიშვნელობა ენიჭება. ავიარეისზე მგზავრის და ბარგის რეგისტრაციისას ერთი საჭდე მგზავრს ეძლევა. ანალოგიური შინაარსის (ინფორმაცია ბარგის მფლობელზე და რეისი, რომლითაც ის მიემგზავრება) მეორე საჭდეს კი ბარგზე აწებებენ.

არავითარ შემთხვევაში Lost&Found-ის თანამშრომელს არ მისცეთ თქვენს ხელთ არსებული დაკარგული ბარგის ორიგინალი საჭდე. თქვენ ის შეიძლება კიდევ დაგჭირდეთ.

ბარგის დაკარგვის ყველაზე გავრცელებული მიზეზი, ჩანთაზე ან ჩემოდანზე დაკრული საჭდის აძრობაა. წარმოიდგინეთ თავი აეროპორტის თანამშრომლის ადგილზე, რომლის ხელშიც ყოველგვარი ინფორმაციის გარეშე დარჩენილი ჩანთა ხვდება. ასეთი ბარგი ავტომატურად Lost&Found-ის ოფისში იგზავნება. ბევრი ავიაკომპანია დაკარგული ბარგის მოძიებისთვის მსოფლიო სისტემა World Tracer-ს იყენებს.

თქვენი ჩანთის უგზოუკვლოდ დაკარგვის შემთხვევაში, ავიაკომპანია ვალდებულია ზარალი აგინაზღაუროთ. სქემა მარტივია - 20 დოლარი ბარგის ერთ კილოგრამში, განურჩევლად თქვენს ჩანთაში არსებული ნივთების ჯამური ღირებულებისა. თუ თანხა არ გაკმაყოფილებთ, კანონი გაძლევთ უფლებას, მიმართო სასამართლოს. მაგრამ ამ შემთხვევაში ჩანთაში ძვირადღირებული ნივთების არსებობის დადასტურება დაგჭირდებათ.

ხშირად კომპენსაციის ვადა და მოცულობა ავიაკომპანიის კეთილ ნებაზეა დამოკიდებული. ამერიკული Delta Air Lines-ი საკუთარ მგზავრებს პირველ დღეს 50 დოლარს უხდის. თუ ბარგი პირველ კვირაში არ მოინახა, ავიაკომპანია დამატებითად 150 დოლარს იხდის.

დაკარგულ ბარგს 21 დღე ეძებენ. ვადის ამოწურვის შემდეგ თქვენი ჩანთა სამუდამოდ დაკარგულად ითვლება და დგება დრო, რომ ავიაკომპანიას ფულადი კომპენსაციის შესახებ შეახსენოთ.

ხშირია შემთხვევები, როდესაც მგზავრს დაზიანებული ან გაძარცვული ჩანთა უბრუნდება. ამ შემთხვევაშიც ბრალი ავიაკომპანიას ეკისრება. მგზავრმა ავიაკომპანიის ოფისს უნდა მიმართოს და დაკარგული ან მოპარული ნივთების ჩამონათვალს მათი ღირებულება უნდა დაურთოს. დაზიანებული, გაჭრილი ან გახეული ბარგი იდეალური ნივთმტკიცება იქნება. სპეციალური აქტის გაფორმების შემდეგ ავიაკომპანია კომპენსაციის ღირებულებას დაიანგარიშებს.

რამდენიმე რჩევა, რომ ბარგის დაკარგვით გამოწვეული უსიამოვნება თავიდან აიცილოთ:

- შეარჩიეთ მარშრუტი გადაჯდომის მინიმალური რაოდენობით;
- გააკონტროლეთ საჭდის დაწებება თქვენს ბარგზე;
- მოერიდეთ ბარგში ძვირადღირებული ნივთების და ძვირფასეულობის ჩალაგებას; შეძლებისდაგვარად ატარეთ ისინი ხელბარგით;
- დააზღვიეთ ბარგი;
- აუცილებლად აახიეთ თქვენი ბარგიდან წინა ავიარეისებიდან დარჩენილი ძველი საჭდეები;
- შეფუთეთ ბარგი პოლიეთილენის პარკით. ეს გარკვეულწილად შეამცირებს თქვენი ჩანთის გახსნის ალბათობას.

ნუკრი მგელაძე
AMBEBI.GE
16:04 / 06-02-2016
alex22
0
მაგის მეტს არაფერს ვაკეთებთ მთელი დღე თბილისის აეროპორტში, ამიტომ ყველას მოგცემთ რჩევას რომ ზუსტად აღწეროთ თქვენი ჩანთა. ხშირად ისეთი ჩანთები ჩამოდის რომ არც ფერი ემთხვევა და არც ფორმა. და მითუმეტეს თუ საჭდე მომძვრალი აქვს სისტემა ვეღარ ახდენს ზუსტ დამთხვევას. ასევე რეგისტრაციისას მოითხოვეთ პატარა საკიდები, და დაწერეთ თქვენი მისამართი და საკონტაქტო ინფორმაცია, ინგლისურ ენაზე. თუ კიდევ რაიმე დამახასიათებელ ნიშანს დაადებთ დარწმუნებული იყავით რომ არ დაიკარგება ჩანთა.
17:05 / 27-01-2016
123
0
ეგ უკვე სადაღვეო კომპანიის ბრალია და არა ავიაკომპანიის
მსგავსი სიახლეები
"მაშინ ტერორისტულ აქტებს კინოში თუ ნახავდი"
რეისის გადადება მსოფლიო ავიაკომპანიებში მიღებული პრაქტიკაა
მიწაზე დანარცხებულ ალმოდებულ თვითმფრინავში, ბორტზე მყოფი ოთხმოცდაერთივე ადამიანი დაიღუპა
ნატოს წევრი ქვეყნის სამხედრო თვითმფრინავი რუსეთის სამგზავრო თვითმფრინავს სახიფათო მანძილზე მიუახლოვდა
ეს პირველი ბავშვია, რომელიც ავიაკომპანია Cabu Pasicific-ის ბორტზე დაიბადა
ფრენა უმრავლესობისთვის არც ისე სასიამოვნო პროცესია
ტელეკომპანია CNN-ის ცნობით, ის პოლიციის განყოფილებაშია გადაყვანილი
ამ კატეგორიის სხვა სიახლეები
15:35 / 17-11-2017  Image რა კომენტარს აკეთებს გურამ შარაძის მკვლელობისთვის მსჯავრდებული საპატიმროს დატოვების შემდეგ
"გასაგებია, რომ გურამ შარაძის ოჯახი მე არ მთვლის დამნაშავედ, ოჯახთან მერე ვილაპარაკებ"
17:32 / 17-11-2017  Image განო მელითაურმა ინოვაციური სამკერვალო ფაბრიკა გახსნა
"კოტე იქნებოდა ძალიან ბედნიერი, მას სჯეროდა, რომ ჩემი გატაცება შემოსავლიან საქმიანობად იქცეოდა"
10:08 / 17-11-2017  Image "პროქტერ ენდ გემბლის“ სახე საქართველოში - თიკა ფაცაცია
ეს პირველი შემთხვევაა, როდესაც კომპანიას საქართველოში თავისი სახე ჰყავს
20:22 / 17-11-2017  Image "აუტანელი სიცივის მიუხედავად, ასობით კონცერტს ვმართავდით" - რა წერილებს ინახავს თემურ წიკლაური
"ახლა კომპიუტერით უხსნიან ერთმანეთს სიყვარულს და მგონი, ოჯახებსაც კი ქმნიან. ამას გულისტკივილით ვამბობ"
20:08 / 17-11-2017  Image ვის ელო­დე­ბა წინ "ტკბი­ლი ნო­ემ­ბე­რი" - სა­სიყ­ვა­რუ­ლო პროგ­ნო­ზი ზო­დი­ა­ქოს ნიშ­ნე­ბის­თ­ვის
შე­მოდ­გო­მა ჯა­დოს­ნუ­რი პე­რი­ო­დია და ბევ­რის­თ­ვის ახა­ლი ურ­თი­ერ­თო­ბე­ბის დაწყე­ბის პერ­ს­პექ­ტი­ვას­თან ასო­ცირ­დე­ბა
პოპულარული კომენტარები
დღის ვიდეო
PALITRATV.GE
You must have Flash Player installed in order to see this player.
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49