კვირის ყველაზე კითხვადი სტატიები
თვის ყველაზე კითხვადი სტატიები
22:07 / 11-02-2016
„მკვლელ სიძეს ჩავეხუტე...“ – 17 წლის მარიამის მკვლელობის დღემდე უცნობი დეტალები
2012 წლის 15 სექტემბერს თერჯოლის რაიონში მეუღლემ სანადირო თოფით 17 წლის მარიამს თავის არეში სასიკვდილო ჭრილობა მიაყენა. მაშინ ვრცელდებოდა ინფორმაცია, რომ ახალგაზრდა მამაკაცს იარაღი შემთხვევით გაუვარდა, თუმცა ამ ვერსიის გარდაცვლილის ოჯახს არ სჯერა. ისინი ამბობენ, რომ მკვლელობა განზრახ, ოჯახური კონფლიქტის ნიადაგზე მოხდა.

არსებული ინფორმაციით, მას შემდეგ რაც მამაკაცმა მეუღლე დაჭრა, თავად წაიყვანა ის საავადმყოფოში, სადაც გოგონას გადარჩენა ვერ მოხერხდა. ამის შემდეგ მამაკაცი პოლიციას ჩაბარდა, თუმცა სასჯელი არ მოუხდია. საპატიმრო ზუსტად ორ თვეში დატოვა.
რა მოხდა სინამდვილეში - მომხდარის დეტალებზე გადაცემა "პროფილში" მარიამის დედამ ისაუბრა.

"მარიამი 15
წლის გათხოვდა და 17 წლის გარდამეცვალა... რაც შეეხება იმ დღეს, ინტერნეტის საშუალებით გავიგე, რომ სოფელში უბედური შემთხვევა მოხდა. არც მიფიქრია, რომ ეს ჩემს შვილს შეემთხვა. დავიწყე მასთან დარეკვა, მაგრამ არავინ მიპასუხა. ამ დროს მარიამი უკვე გარდაცვლილი ყოფილა. ღამის 4-ის 15 წუთზე მივედი მათთან სახლში და მარიამი უკვე მოსული იყო. დროს იმიტომ ვუსვამ ხაზს, რომ სწორედ აქედან დაიწყო ფაქტების გაყალბება. როდესაც ჩავედი ხალხი მეუბნეოდა, რომ იარაღი ჩემს სიძეს შემთხვევით გაუვარდა. ეს იარაღი მათ დიდი ხნის განმავლობაში სახლში ჰქონდათ... მე ვიცი ამ თოფის შესახებ ბევრი რამ... ვეუბნეოდი ჩემს შვილს რომ გადაეფორმებინათ ის. მარიამი ამბობდა, რომ ეს იარაღი რაჭიდან იყო წამოღებული, რაღაც საეჭვო იყო ამ იარაღით მომხდარი და მას ვერ გაიფორმებდნენ", - ამბობს გარდაცვლილის დედა.

მისი ინფორმაციით, მეუღლემ მის შვილს იარაღი შეგნებულად დაუმიზნა და ამას ექსპერტიზაც მოწმობს. როგორც მარიამის დედა ამბობს, გარდაცვლილს ტყვია მიბჯენით აქვს ნასროლი.

"მარიამი იყო ძალიან ეჭვიანი ბავშვი. მეუღლე აძლევდა საბაბს თუ არა ეჭვიანობის არ ვიცი. ხშირად ხდებოდა, რომ მარიამი ტელეფონებს ამტვრევდა. ვფიქრობ ეჭვიანობის ნიადაგზე მოხდა კონფლიქტი, რასაც ეს შემთხვევა მოჰყვა. მინდა გავიხსენო ერთი ფაქტი, როდესაც ჩემი სიძე ციხიდან გამოვიდა შევხვდი და ვკითხე, თუ რა მოხდა. მან მითხრა, რომ რაიონში იყო წასული მანქანით და სახლში მისულს მარიამმა ეზოს კარი არ გაუღო. ეს შესულა და უთქვამს, დედოფალი ხარ გარეთ რომ არ გამოდიხარო? ამის შემდეგ მათ შორის კონფლიქტი მოხდა.. სავარაუდოდ ამას მოჰყვა მკვლელობა. ეს ვერსია არსებობს. ერთი რამ მინდა კიდევ ვთქვა, როდესაც ეს მოხდა და მათთან მივედი, სიძე მოვიკითხე, მან გამიშალა ხელები და მითხრა, მე მოვკალი მარიამიო. იმ გაშლილ ხელებში ჩავეხუტე" - განაცხადა გარდაცვლილის დედამ.

როგორც ის ამბობს, მისმა სიძემ ბრალი აღიარა. მარიამის დედის ინფორმაციით, მას შემდეგ რაც მარიამის მეუღლე ციხიდან გამოუშვეს, მან გადაწყვეტილება რამდენჯერმე გაასაჩივრა, თუმცა უშედეგოდ.

გარდაცვლილი ახალგაზრდა გოგონას დედა ასევე აღნიშნავს, რომ მას სიძის ოჯახი შვილიშვილის ნახვას უკრძალავს. მიზეზად სასამართლო გადაწყვეტილების გასაჩიბვრებას ასახელებს, რომლის მიხედვითაც სასამარლომ მისი შვილის მკვლელობაში ეჭვმიტანილი მეუღლე გაათავისუფლა.

იხილეთ ვიდეო
13:11 / 12-02-2016
@
0
რა დროს 15 წლის გოგოს გათხოვება იყო! ეს ფაქტი რატომღაც არავის უკვირს, ჩვეულებრივ ამბად თვლიან.
12:55 / 12-02-2016
ნინა
0
სიმართლე თქვა თენგიზ გოგოტიშვილმა,მკვლელ და მოძალადე შვილებს ისევ ქალი-დედები ზრდიანო! მსგავსი დედამთილების გაზრდილი შვილები რა გასაკვირია არაკაცები რომ არიან? რას ერჩის აბა 33 წლის მუტრუკი 19 წლის უცოდველ ბავშვს? ხალხიც ბევრს ცოდავს,კაცი,რომელიც ცოლზე ძალადობს,ან სხვანაირად შეურაცხყოფს,ისეთ კაცს გამარჯობასაც არ უნდა ეუბნებოდეს არავინ,არათუ სადმე ეპატიჟებოდნენ და ტკბილ სიტყვებს ეუბნებოდნენ,როგორც ეს ჩვენს ირგვლივ ხდება!მართლა უნდა გაირიყოს ასეთი ადამიანი ყველასგან და ერთი რომ გაირიყება,მეორეს მერე იქნებ შეეშინდეს და აღარ მოიქცეს იმ პირველისნაირად....
ამ კატეგორიის სხვა სიახლეები
20:19 / 22-11-2017  Image "სერიოზული ჯგუფი იყო, მაგრამ მძევლები აყვანილი არ ჰყოლიათ" - სუს-ის უფროსი განმარტავს, რატომ გაგრძელდა სპეცოპერაცია თითქმის 20 საათი
"პირველ რიგში მინდა მივუსამძიმრო დაღუპულის ოჯახს, ის იყო სახელმწიფო უსაფრთხოების სამსახურის
22:43 / 22-11-2017  Image გაბრიელ სალოსის ქუჩაზე ჩატარებულ სპეცოპერაციას "ფეისბუქზე" ეხმაურებიან
"არ მოსულა სახალხო ღლიცინი მაშინ, როცა შენს ქალაქში ტერორისტები ისვრიან!"
20:26 / 22-11-2017  Image ავღანეთში საქართველოს შეიარაღებული ძალების სამი სამხედრო მოსამსახურე დაიჭრა
III ქვეითი ბრიგადის 31-ე ქვეითი ბატალიონის სამხედრო მოსამსახურეების მაიორ პაპუნა ხორავას
18:23 / 22-11-2017  Image ეროვნულმა ბანკმა ლარის ახალი კურსი დაადგინა
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ
13:37 / 22-11-2017  Image 48 წლის ვიქტორია გვიმხელს, თუ როგორ შეიძლება ყველა ქართველმა ისწავლოს ინგლისური ძალისხმევის გარეშე!
გაიგეთ, თუ როგორ შეგიძლიათ ისწავლოთ ინგლისური სწრაფად და მარტივად
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49