კვირის ყველაზე კითხვადი სტატიები
თვის ყველაზე კითხვადი სტატიები
19:12 / 13-02-2016
ცნობილების "ვალენტინობა" და საჩუქრები მეუღლისგან
ვალენტინობასთან დაკავშირებით, ჩვენამდე ბევრმა ლეგენდამ მოაღწია. დიდი ხანია, ყოველ 14 თებერვალს, უცხოელები ამ დღესასწაულს ზეიმობენ, ხოლო საქართველოში "შეყვარებულების დღეს" ბოლო რამდენიმე წელია, აღნიშნავენ.

მაკა ზამბახიძე, მომღერალი:

- ვერ ვიტყვი, რომ ვალენტინობას მე და ვახო განსაკუთრებულად აღვნიშნავთ. არც ისე ხდება, რომ ვინმეს დავურეკო და მივულოცო.

- ამ დღეს მეუღლე უსაჩუქროდ გტოვებს?

- სუნამოს ან სამკაულს მჩუქნის და მეც ვცდილობ, გავახარო. ამ დღეს უსაჩუქროდ არასდროს ჩაუვლია, მაგრამ ესეც თუ არ მოხდება, პრობლემა არ არის.

- რომანტიზმი რა დოზითაა თქვენს ურთიერთობაში?
- ზომიერად. შეძლებისდაგვარად ვცდილობთ, ერთმანეთი გავახაროთ.

- ვახოსთან ერთად გატარებული ყველაზე რომანტიკული დღე გაიხსენე.
- 2 წლის წინ, მე და ვახო ჩემს დაბადების დღეს მარტო წავედით ყვარლის ტბაზე და ის რომანტიკული საღამო ჩემთვის სიურპრიზი იყო. რამდენიმე წლის წინ, ვიდრე დავოჯახდებოდით, ახალი წელი ახლოვდებოდა, პირველად რომ მოვიდა ჩემთან და 2-მეტრიანი ნაძვის ხე მომიტანა. ეს ნაძვის ხე მეხსიერებაში სულ მექნება.
შეყვარებულობის პერიოდში ვახოს მოწერილ მესიჯებს რვეულში ვიწერდი, ის რვეული კი, რა თქმა უნდა, შენახული მაქვს (იცინის) და რომ მოვინდომო, დიდი კრებული გამოიცემა. ლექსად მოძღვნილი მესიჯები იყო და რომელ საათზე, რომელ წუთზე მოვიდა, ამასაც კი ვიწერდი. ამას ვინმე ნორმალური გააკეთებდა? ასე დაახლოებით ნახევარი წელი გრძელდებოდა. მესიჯები ბოლოს დაახლოებით, 2 წლის წინ წავიკითხე.

- ჩანაწერებს რომ აკეთებდი, ვახომ იცოდა?

- არა, ეს მოგვიანებით ვუთხარი და ესიამოვნა.

***

მანანა კოზაკოვა, მსახიობი:

- ვალენტინობა ახალგაზრდა წყვილების დღეა. გული მწყდება, რომ ჩემს ახალგაზრდობაში არ აღვნიშნავდით. დღე, რომელიც ძალიან დიდი პოზიტივის მატარებელია, რომელიც სიყვარულით, მზრუნველობითა და სითბოთია გაჯერებული, რატომ არ უნდა აღინიშნებოდეს? მე კეთილი ზღაპრების მჯერა.

- ბატონი ლევანი როგორი მეუღლეა? რომანტიკული?

- რა თქმა უნდა!

- თქვენს გაოცებას ხშირად ახერხებს?

- მზრუნველი და ძალიან ყურადღებიანი ადამიანია. საჩუქრებს ყოველთვის დიდი მონდომებით არჩევს. ვცდილობთ, ერთმანეთი
შეძლებისდაგვარად გავახაროთ.
საჩუქრის შეძენა მთელი რიტუალია. ლევანი მიდის შესარჩევად, ღელავს, ყიდულობს, მერე მალავს, განიცდის და ნერვიულობს, - რომ არ მომეწონოს? განა, ეს დამოკიდებულება დასაფასებელი არ არის? მახსოვს, თინათინი რომ გავაჩინე, მაშინ პატარები ვიყავით და რომელ მატერიალურ კეთილდღეობაზეა ლაპარაკი, როცა ზოგადად ქვეყანაში ძალიან მძიმე სოციალური ფონი იყო! მაშინ ლევანი გერმანიაში იმყოფებოდა. მოგვიანებით, მისი მეგობრები მიყვებოდნენ, თინათინისთვის ნაყიდი ტანსაცმელი ოთახში ლურსმნებზე ჰქონდა დაკიდებული, უყურებდა, მერე ჩაალაგებდა, ამოალაგებდა, ჩაალაგებდა, ისევ ამოალაგებდაო... გერმანიიდან კაბა ჩამომიტანა: მაშინ წონაში ძალიან მომატებული ვიყავი და ამ კაბას ჰქონდა ძალიან ბევრი "ზბორი" (იცინის). თავად როგორსაც მხედავდა, ისეთი აღნაგობისთვის შემირჩია. ჩემთვის ეს ყველაფერი ძალიან ღირებულია... ყოფილა შემთხვევა, რაღაც არ მომწონებია, მაგრამ მითამაშია, რომ აღფრთოვანებული დავრჩი. ამას მოგვიანებით მიმხვდარა, მაგრამ იმ წუთში ჩემი სიხარულით ისიც ხომ ხარობდა?! ამბობს ხოლმე, - მე ვიცი, მანანას რა უნდა აჩუქო. ეს სუნამოა - ყველა შემთხვევაში მოგებული ხარო.
როდესაც გასტროლზე ვარ, მისთვის საჩუქრის შერჩევა არის მთავარი ამოცანა. მართლა დამღლელია მონახო ზუსტად ის, რაც გაუხარდება. ჩასაცმელზე თუ ვაკეთებ არჩევანს, ხან ონისე ონიანს ვაზომებ, ხან - როლანდ ოქროპირიძეს და მთელი ამბავია. მინდა, მის გემოვნებას დაემთხვეს, გაუხარდეს. საჩუქრებს ჩემოდანში ზემოდან ვალაგებ, რომ გახსნისას ადვილად იპოვოს და არ ეძებოს. ამ დეტალებისგან შედგება ჩვენი ურთიერთობა. ჩვენს ცხოვრებაში ყოფითი პრობლემები ისეთი სისწრაფით იჭრება, რომ ასეთი წვრილმანები არ უნდა დაგვავიწყდეს - ეს ხომ ისეთი მნიშვნელოვანი განცდისთვისაა აუცილებელი, რასაც ბედნიერება ჰქვია. ურთიერთობაში რომანტიზმი აუცილებელია.

- მუდმივად რეპეტიციაზე, გასტროლზე, სპექტაკლზე ხართ. ყველასა და ყველაფრისგან განმარტოებას, რომანტიკული საღამოების მოწყობას ხშირად ახერხებთ?
- რა თქმა უნდა, იმ ყველაფრის მიღმა, რაც შენ ჩამოთვალე, არის ჩვენი ცხოვრება. ძალიან გვსიამოვნებს ბეთანიის აგარაკზე ასვლა. წყვილისთვის აუცილებელია, დროის გარკვეული მონაკვეთი განმარტოებით გაატარონ. შესაძლოა, ერთად რაიმე ფილმს უყურონ ან სულაც, ჩუმად ისხდნენ. არ არის აუცილებელი სანთლების შუქი, რესტორანი, გასართობი ცენტრი და ა.შ. ჩვენ ერთმანეთს წიგნებსაც ვუკითხავთ. ეს ურთიერთობას აახლებს და სხვაგვარ ხიბლს სძენს.

წაიკითხეთ სხვა ცნობილების ამბები
12:17 / 17-11-2017
***
0
ასე საჯაროდ იპრანჭებიან და სპექტაკლებს დგამენ, ისეტები ვისაც სინამდვილეში პრობლემები აქვთ ურთიერთობაში. ბედნიერები უფრო თვშეკავებულად იქცევიან! აკი, დაინგრა ამათი ბედნიერება ხუხულისავით. ვის აყრიან ნაცარს თვალებში?!
13:25 / 15-02-2016
pensionerebi
0
მივმართამ ბიძინიჩებს, ნახეთ ისტამბულში როგორ დააფასეს პენსიონერები?????საუკეთესო საჩუქრები გადასცეს, ჩამოუყენეს სვადასხვა მარკის მარკის მანქანები, ძველი ფირმების ჭარბობდა, ჩააცვეს ძვირფაი კაბები აცეკვეს ამღერეს,მერე ყვავილების თაიგულებით მორთული მანქანებით მთელი სტამბული შემოატარეს. დაახლოებით 500 პენსიონერი იქნებოდა. ისსინი ყველა ღიმილით და ახალგაზრდული შემართებით ბედნიერები იყვნენ.ყველა პენსიონერს მიულოცეს ვალენტინობა და ვინც ამ ცერემონიალს ვერ ესწრებოდა მათ საჩუქრები გაუგზავნეს. აი ამას ქვია მთავრობა და პენსიონერების დაფასება.აბა თქვენ რა გქვიათ-ღორები= სრული ამ სიტყვის მნიშვნელობით. ღმერთს ვთხოვ თქვენც მიგებაძოთ. გადაგსხმოდეთ იმათი წყალი. ამინ
მსგავსი სიახლეები
+PHOTO "რომ არ ვიცოდე, რომ ნოდიკო და სალომე საოცარი მეგობრები არიან, ვერ დავიჯერებდი იმას, რომ შეყვარებულები არ არიან"
"არიან ადამიანები, რომლებსაც ყურადღების ცენტრში ყოფნა უყვართ, მე მირჩევნია, წყნარად ვიყო შვილებთან და მეუღლესთან ერთად"
"რამდენიმე წლის წინ სესხით ბინა შევიძინე, ახლა კი უფრო დიდი ბინა ვიყიდე და კრედიტი დოლარში მაქვს აღებული"
უმეტესობას სტაბილური და მყარი ოჯახი აქვს. თუმცა გამონაკლისებიც არის
სალომესთვის ეს პირველი შვილია, მისი მეუღლისთვის - მეორე
სალომემ მეუღლეს ძალიან საინტერესო ხერხით შეატყობინა ორსულობის შესახებ
თუ თქვენ ცნობილი ადამიანების რეალური საცხოვრებელი ადგილი გაინტერესებთ
ამ კატეგორიის სხვა სიახლეები
15:35 / 17-11-2017  Image რა კომენტარს აკეთებს გურამ შარაძის მკვლელობისთვის მსჯავრდებული საპატიმროს დატოვების შემდეგ
"გასაგებია, რომ გურამ შარაძის ოჯახი მე არ მთვლის დამნაშავედ, ოჯახთან მერე ვილაპარაკებ"
17:32 / 17-11-2017  Image განო მელითაურმა ინოვაციური სამკერვალო ფაბრიკა გახსნა
"კოტე იქნებოდა ძალიან ბედნიერი, მას სჯეროდა, რომ ჩემი გატაცება შემოსავლიან საქმიანობად იქცეოდა"
10:08 / 17-11-2017  Image "პროქტერ ენდ გემბლის“ სახე საქართველოში - თიკა ფაცაცია
ეს პირველი შემთხვევაა, როდესაც კომპანიას საქართველოში თავისი სახე ჰყავს
20:22 / 17-11-2017  Image "აუტანელი სიცივის მიუხედავად, ასობით კონცერტს ვმართავდით" - რა წერილებს ინახავს თემურ წიკლაური
"ახლა კომპიუტერით უხსნიან ერთმანეთს სიყვარულს და მგონი, ოჯახებსაც კი ქმნიან. ამას გულისტკივილით ვამბობ"
20:08 / 17-11-2017  Image ვის ელო­დე­ბა წინ "ტკბი­ლი ნო­ემ­ბე­რი" - სა­სიყ­ვა­რუ­ლო პროგ­ნო­ზი ზო­დი­ა­ქოს ნიშ­ნე­ბის­თ­ვის
შე­მოდ­გო­მა ჯა­დოს­ნუ­რი პე­რი­ო­დია და ბევ­რის­თ­ვის ახა­ლი ურ­თი­ერ­თო­ბე­ბის დაწყე­ბის პერ­ს­პექ­ტი­ვას­თან ასო­ცირ­დე­ბა
პოპულარული კომენტარები
დღის ვიდეო
PALITRATV.GE
You must have Flash Player installed in order to see this player.
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49