აჭარის ავტონომიური რესპუბლიკის საზოგადოებრივი ჯანდაცვის ცენტრის 15 თებერვლის მონაცემებით, გრიპისა და მწვავე რესპირატორულ დაავადებათა სიმპტომებით 7 პაციენტია გარდაცვლილი.
როგორც "ინტერპრესნიუსს" აჭარის საზოგადოებრივი ჯანდაცვის ცენტრიდან აცნობეს, გარდაცვალების ბოლო შემთხვევა შაბათს დაფიქსირდა.
მათივე ცნობით, გრიპისა და მწვავე რესპირატორულ დაავადებათა სიმპტომებით აჭარის ამბულატორიულ სამედიცინო დაწესებულებებს 259-მა პაციენტმა მიმართა. სტაციონარში მკურნალობის კურსს 82 პაციენტი გადის, ხოლო რეანიმაციულ განყოფიელბაში 14 პაციენტია მოთავსებული.
"ბოლო მონაცემებით, აჭარაში გრიპის 2015–2016 წლის ეპიდსეზონზე, პიკი აღინიშნებოდა მიმდინარე წლის მე–4 კვირას. მე–6 კვირის მონაცემებით, ინციდენტობის მაჩვენებლის დინამიკა კლებადია", - აცხადებენ აჭარის ავტონომიური რესპუბლიკის საზოგადოებრივი ჯანდაცვის ცენტრში. ~
"ინტერპრესნიუსი"