კვირის ყველაზე კითხვადი სტატიები
თვის ყველაზე კითხვადი სტატიები
09:43 / 17-02-2016
გაიცანით ოთხი ქართველი მოსწავლე, რომლებიც NASA-ში მიემგზავრებიან
ათასწლეულის ინოვაციის კონკურსში გამარჯვებული ქართველი მოსწავლეები NASA-ს კენედის კოსმოსურ ცენტრში მიემგზავრებიან. გუნდი "სოლარის" წევრები - გიორგი ნიორაძე, ვახო კონტრიძე, გიორგი მარგიანი და ბექა მიქაძე ჟიურის წინაშე ინოვაციური პროექტით წარსდგნენ. ბიჭები მზის ელემენტების მარგი ქმედების კოეფიციენტის ინოვაციური ტექნოლოგიით გაზრდას, აპრილში უკვე საერთაშორისო სამიტზე გამოცდიან. კონკურსით და ქართველი მოსწავლეების წარმატებით ambebi.ge დაინტერესდა და ახლა თქვენც გაგაცნობთ მათ:

კონკურსის ერთ-ერთი გამარჯვებული გიორგი მარგიანია. ის ლიცეუმში სწავლობს და მეთერთმეტე კლასის მოსწავლეა. ინტერესი ტექნიკური საგნების მიმართ ბავშვობიდან აქვს. მიღწეულმა წარმატებამ
კი მისი სამომავლო გეგმები მთლიანად ფიზიკას დაუკავშირა. სწავლის გაგრძელებას სან დიეგოს უნივერსიტეტში აპირებს და იმედოვნებს, რომ ნასას კენედის კოსმოსურ ცენტრში მისი ვიზიტი, ცხოვრების მნიშვნელოვანი ტრამპლინი იქნება: "ბევრი ბავშვისთვისაა საოცნებო იქ მოხვედრა, თუმცა სამწუხაროდ, ძალიან ცოტას ეძლევა ამის შანსი. მიხარია, რომ ჩემი გუნდის წევრებთან ერთად, მე ეს შევძელი", - გვეუბნება გიორგი.

ბექა მიქაძე სერვანტესის სახელობის სკოლა გიმნაზია აია-GESS-ში სწავლობს და მომავალში ინჟინერ-პილოტობას აპირებს. აქამდე სხვა, უამრავ კონკურსში აქვს მიღებული მონაწილეობა, მაგრამ მისი თქმით, მსგავსი განცდა და გამარჯვების ხიბლი არასდროს ჰქონია. აღნიშნავს, რომ ოთხთვიანმა თავდაუზოგავმა შრომამ და გუნდის თითოეული წევრის მონდომებამ შედეგი გამოიღო და იდეამ, მზის ენერგიის ეფექტურად გამოყენების შესახებ, ჟიურის მოწონება დაიმსახურა. ბექა იმოდევნებს, რომ "სოლარის" პროექტი საერთაშორისო კონკურსზეც ღირსეულად წარსდგება.

პროექტზე მუშაობისას ბიჭებს ბევრი წარუმატებელი ექსპერიმენტი და სირთულე შეხვდათ. სამუშაო პროცესში აქტიურად მონაწილეობდა ტექნიკური უნივერსიტეტის პროფესორი თეიმურაზ ჩიჩუა, რომელიც ბიჭებს თეორიულ ცოდნასა და საკუთარ გამოცდილებას უზიარებდა.

კონკურსი "ათასწლეულების გამოწვევის ფონდის" მხარდაჭერით ხორციელდება. როგორც ფონდის აღმასრულებელი დირექტორი მაგდა მაღრაძე ამბობს, საქართველოში აღნიშნული კონკურსი უკვე მეორედ ჩატარდა. წლევანდელი გამარჯვებული გუნდი "სოლარი" სფეროს ექსპერტებისგან შემდგარმა ჟიურიმ გამოავლინა. "პროექტი მზის პანელების გაზრდის ინოვაციურ ტექნოლოგიას შეეხება. გუნდის წევრები 20 აპრილს ფლორიდაში გაემგზავრებიან და მონაწილეობას მიიღებენ 4-დღიან სამიტში, რომელიც ნასას კენედის ცენტრში გაიმართება", - აღნიშნავს მაღრაძე. მისი განცხადებით, ინოვაციების საერთაშორისო სამიტი მოსწავლეებს ამერიკის შეერთებული შტატებიდან და მსოფლიოს სხვადასხვა ქვეყნიდან მოიზიდავს.

"მოგეხსენებათ, ნასას ტერიტორიაზე დაშვება მკაცრად შეზღუდულია. ამ ბავშვებს ექნებათ უნიკალური შანსი, დაათვალიერონ ბაზა, გაიცნონ არაერთი კერძო სექტორის წარმომადგენელი და არ გამოვრიცხავ, რომ პროექტით რომელიმე მათგანიც დაინტერესდეს", - აღნიშნავს ათასწლეულების გამოწვევის ფონდის აღმასრულებელი დირექტორი.

ათასწლეულების ინოვაციის კონკურსში, რომლის მიზანიც 12-17 წლის მოსწავლეებში მეცნიერების, ტექნოლოგიის, ინჟინერიისა და მათემატიკის დისციპლინების პოპულარიზებაა, მონაწილეობა 62-მა გუნდმა მიიღო. ათი მათგანი კი ფინალში სხვადასხვა პროექტით მოხვდა.

ქრისტინე გამთენაძე
ambebi.ge

Four Georgian students to travel to NASA Kennedy Space Center
13:20 / 17-11-2016
liana
0
მჯერა რომ საქართველო გაბრწყინდება,
რადგან თქვენნაირი მომავალი თაობა ყავს...
სულ წარმატებებით გევლოთ...მე ვამაყობ
თქვენით.ღმერთი გფარავდეთ თქვენ და
მთელ საქართველოს...
13:00 / 17-11-2016
liana
0
მჯერა რომ საქართველო გაბრწყინდება,
რადგან თქვენნაირი მომავალი თაობა ყავს...
სულ წარმატებებით გევლოთ...მე ვამაყობ
თქვენით.ღმერთი გფარავდეთ თქვენ და
მთელ საქართველოს...
მსგავსი სიახლეები
მეცნიერებმა პროგრამა შექმნეს, რომელსაც მყინვარების დნობის შედეგად დატბორვის სავარაუდო არეალების დადგენა შეუძლია
რადიაციამ შეიძლება, იმოქმედოს იმ თვითმფრინავებზე, რომლებიც განსაკუთრებით მაღალ ფენებში დაფრინავენ
კოლუმბიის უნივერსიტეტის ფიზიკა-მათემატიკის ფაკულტეტის 22 წლის სტუდენტმა, გიორგი
ვარსკვლავი იმდენად პატარა და ცივია, რომ პლანეტებზე შესაძლოა იყოს წყალი თხევად მდგომარეობაში
ამერიკის კოსმოსური ადმინისტრაციის ცენტრი დაგვეხმარება იმის დამტკიცებაში, რომ ღვინო პირველად საქართველოში გაჩნდა
კოსმოსურმა აპარატმა Juno-მ დედამიწაზე იუპიტერის პირველი ფოტო გამოგზავნა
ბიჭები ჟიურის წინაშე ინოვაციური პროექტით წარსდგნენ
NASA-მ პერუში უკვე შექმნა ლაბორატორია სათბური, რომელში არსებული ნიადაგისა და ტემპერატურის პირობებიც
დედამისწითვის მზის სინათლის 90% დაიბლოკება
ამ კატეგორიის სხვა სიახლეები
21:31 / 13-12-2017  Image სტამბოლში საქართველოს მოქალაქე მოკლეს
ქალბატონი ბლაგვი საგნის ჩარტყმით არის მოკლული
13:35 / 13-12-2017  Image პრემიერი გაჩეჩილაძეს პასუხობს - თუ ბრალდებები არ დადასტურდა, გამობრძანდეს და ბოდიში მოიხადოს
"თუ დადასტურდება, მზად ვარ დავტოვო თანამდებობა"
13:45 / 13-12-2017  Image საცხოვრებელ კომპლექს "მწვანე ალმასში" უპრეცედენტო 20%-იანი ფასდაკლება დაიწყო!
ახალი წელი სასიამოვნო სიახლეებთან ერთად, ფასდაკლებებთან ასოცირდება. 
16:40 / 13-12-2017  Image ყოფილი პოლიციელი - როცა დაჭრილი ამირან რობაქიძე დაეცა, მასთან ავტომატი არ დამინახავს, იარაღი არავის ჰქონია - ამხელა ავტომატი თუ ვერ დავინახე, მაშინ დავრბმავებულვარ
"ახლა რომ რეჟიმი იყოს, ციხეში იჯდებოდი დიდი ხნის წინ"
13:11 / 13-12-2017  Image შესაძლოა, "ფრესკომ" ბაზარი დატოვოს - სუპერმარკეტების ქსელში პროდუქციის მუდმივი დეფიციტია
ბაზარზე მრავლად არიან როგორც ადგილობრივი, ასევე, უცხოური კომპანიები,

პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49