კვირის ყველაზე კითხვადი სტატიები
თვის ყველაზე კითხვადი სტატიები
10:37 / 04-03-2017
რას წერდა ანდერძში სესილია თაყაიშვილი და რატომ იყო "გვარში ერთადერთი ხეპრე" ჭაბუა ამირეჯიბი
იმ ადამიანების მიმართ, რომლებიც ქვეყნის ისტორიის შექმნაში მონაწილეობენ და საზოგადოებას უყვარს, ინტერესი არასდროს ქრება. ამჯერად, იმ დიდი ცნობილი ქართველების ცხოვრების ეპიზოდების გახსენება გვინდა, ვინც დამსახურებულად მოიპოვა ხალხის საყოველთაო სიყვარული...

სესილია თაყაიშვილი
ქართული თეატრისა და კინოს ლეგენდა ბავშვობიდან ეზიარა თეატრალურ ხელოვნებას. ის პატარებისთვის შექმნილ საშინაო წარმოდგენებში 7 წლისა მიიწვიეს, - ყვავილისა და ანგელოზის როლი ათამაშეს, საიდანაც დაიწყო არტისტის თეატრალური ცხოვრების დიდი გზა.
120-მდე შესანიშნავი როლი, თუმცა მისი ოლღა ბებია (ნოდარ დუმბაძის "მე ბებია, ილიკო და ილარიონის" მიხედვით სცენასა და კინოში), ყველანაირ რეკორდს ხსნის. ზურიკელას ბებია უყვარდათ არა მარტო საქართველოში, არამედ სხვა ქვეყნებშიც. როდესაც ფრანგმა რეჟისორმა ჟან დაკანტმა სესილია თაყაიშვილი ფილმში "მე, ბებია, ილიკო და ილარიონი" ნახა, ასეთი რამ თქვა: "ეს თქვენი კი არა, ჩემი ბებიაა, რომელიც ახლაც პროვინციაში ცხოვრობს."

სესილიას არ უყვარდა საკუთარი თავის ფილმებში ხილვა და გადაღებებზეც დისკომფორტს განიცდიდა: "არ მიყვარს კინოაპარატი, იგი თავიდანვე მაშინებს, მთელი ფიქრი და გრძნობა მასთანაა დაკავშირებული, მაგრამ მერე დრამატურგიული სახე ნთქავს ყოველივეს და ერთადერთი ამოცანა - მოვატყუო, გამოვთიშო ჩემი შეგნებიდან ეს აპარატი - მთლიანად მიპყრობს. როგორც კი არ ვგრძნობ ხოლმე აპარატს, მუშაობა გაცილებით მიადვილდება". ერთ-ერთ უკანასკნელ ინტერვიუში მსახიობი ამბობდა: "არ მიყვარს ჩემი თავი ეკრანზე, რადგან ვიცი - რაც გაკეთებულია, ვერ დააბრუნებ, ვერ გაასწორებ და არ მინდა, კიდევ ერთხელ დავრწმუნდე, რომ შეიძლებოდა გაცილებით უკეთ მეთამაშა".

მისი მეუღლე მსახიობი ვასო გოძიაშვილი გახლდათ, რომლისგანაც ერთადერთი ვაჟი შეეძინა. ვასოს სესილია უყვარდა, მაგრამ გამოუსწორებელი მექალთანე იყო. ერთმანეთს ექვსი წლის შემდეგ დაცილდნენ. სესილია სიამაყით ამბობდა: "მეორე სართულიდან გადმოვუყარე ჩემოდნები". პატიება ვერ შეძლო, მაგრამ მისი სიყვარული სიცოცხლის ბოლომდე შეინახა და უკანასკნელ გზაზეც გააცილა.

სესილიას არც ხალხის შეწუხება უყვარდა და ამ ქვეყნიდან მიმავალმა ანდერძად დატოვა: "ვთხოვ, ჩემიანს ყველას, შემისრულონ ეს თხოვნა. არავითარ შემთხვევაში თეატრში არ გადამიყვანონ. ჩემი არ გადაყვანით შეწყდება თეატრში ხშირი სიკვდილი. მერწმუნეთ, არავითარ შემთხვევაში, მუხლმოდრეკილი გეხვეწებით, დიდუბე არ მიყვარს და გთხოვთ, ნუ გამოძებნით ჩემთვის ადგილს, საბურთალოში თუ შეიძლება. რა საჭიროა საპატიო ყარაული? ნუ დაღლით ხალხს. არავითარი სიტყვები: ვიყავი, ვშრომობდი და დასრულდა ჩემი ცხოვრება. იმედია, ასე მშვიდად და წყნარად მიაბარებთ ჩემს ნეშტს ცივ მიწას".
სესილია თაყაიშვილი 1984 წელს გარდაიცვალა. დაკრძალულია საბურთალოს საზოგადო მოღვაწეთა პანთეონში.

ჭაბუა ამირეჯიბი

მწერალი, შესანიშნავი რომანის "დათა თუთაშხიას" ავტორი ჭაბუა ამირეჯიბი საკუთარ "ავტოინტერვიუში" ასე წერდა: "მამაჩემის თავადურ წარმოშობაზე თავად გვარი - ამირეჯიბი მიუთითებს. ეს საუკუნეების მანძილზე გვარად ქცეული მეფის სასახლის თანამდებობაა, შინაგან საქმეთა მინისტრის მოადგილეს, დაზვერვისა და კონტრდაზვერვის უფროსს რომ შეესატყვისება. თანამდებობა საგვარეულო იყო, მემკვიდრეობით გადაეცემოდა და ყოველი ოჯახი, რომელიც ამ გვარს ატარებდა, პირდაპირ მეტოქეობდა, რათა თავისი ოჯახიდან მოემზადებინა კანდიდატი. ულმობელი კონკურენცია იყო, ამიტომ ყველა კანდიდატი ღირსეულ განათლებას იღებდა როგორც საქართველოში, ასევე ბიზანტიაში - აქედან მოდის გვარის წარმომადგენელთა ტრადიციული განათლებულობა. ბოლო ასი წლის მანძილზე ერთადერთი "ხეპრე" გვარში
You must have Flash Player installed in order to see this player.
- თქვენი მონა-მორჩილია: ლიტერატურული ფაკულტეტის სამი კურსი მაქვს დამთავრებული. მესამე კურსზე უკვე მწერალთა კავშირის წევრი ვიყავი, ვიბეჭდებოდი და სწავლა მივატოვე"...

დედ-მამა და ახლო ნათესავები რეპრესირებულები იყვნენ: მამა დაუხვრიტეს, დედა გადაუსახლეს (1942 წელს დაბრუნდა). ბიძა შალვა ამირეჯიბი - ცნობილი პოლიტიკური მოღვაწე, 1924 წლის აჯანყების პარიტეტული კომიტეტის წევრი, ქაქუცა ჩოლოყაშვილის მოადგილე პოლიტიკურ დარგში, ემიგრაციაში იყო, ამის გამო ჭაბუა სამხედრო სამსახურიდან დაითხოვეს, როგორც "არასწორად გაწვეული".

იმის გამო, რომ ის არალეგალური ანტისაბჭოთა ორგანიზაცია - "თეთრი გიორგის" ერთ-ერთი დამაარსებელი და წევრი იყო, 1943 წელს შეიარაღებული აჯანყების მზადების ბრალდებით დააპატიმრეს და 25 წლის პატიმრობა მიუსაჯეს. მალე სასჯელი დახვრეტით შეუცვალეს. სიკვდილმისჯილთა საკანში სამ-თვენახევარი იჯდა და განაჩენი ისევ 25 წლიანი პატიმრობით შეუცვალეს.

პატიმრობის მანძილზე სამჯერ გაიქცა. დახვრეტა მეორედაც მიუსაჯეს, რაც ისევ შეცვალეს და ახალი ვადა დაუმატეს. ჯამში, 83 წელი ჰქონდა მისჯილი... პატიმრობის დროს მონაწილეობდა ყარაგანდისა და ტაიმირის პოლიტპატიმართა აჯანყებებში, იყო იმ ყველაფრის საორგანიზაციო კომიტეტის წევრი.

პატიმრობის 16 წელი ყარაგანდის, კოლიმის, მორდოვეთის, ტაიმირის ნახევარკუნძულის, აღმოსავლეთ ციმბირის და შორეული აღმოსავლეთის ბანაკებში გაატარა. 1959 წლის დეკემბერში კი გადასახლებიდან დაბრუნდა.

2010 წლის 15 ოქტომბერს ჭაბუა ამირეჯიბი ბერად აღიკვეცა და სახელად დავითი ეწოდა. 2013 წელს, ხანგრძლივი ავადმყოფობის შემდეგ, მწერალი 92 წლის ასაკში, თბილისში საკუთარ სახლში გარდაიცვალა.

მოამზადა ლალი ფაცია
18:04 / 19-05-2017
giga
0
არავინ იცის ზუსტად, რა და როგორ იყო, აი ფაქტები, 1942წ. დააპატიმრეს, 25წ. მიუსაჯეს, გამოვიდა 1959წ ხო? 25 ტუ მიუსაჯეს, 3 ჯერ გაიქცა, აჯანყება მოაწყო და 17 წელი რატო იჯდა??? მაგ დროს პაბეგზე უნდა დაემატებინატ ან აჯანყებისტვის დაეხვრიტატ!! რა ხდება???
13:24 / 06-04-2017
daviti
0
რა იცით ვერსია, რომ ყალბი ტალონების დამზადების გამო დაიჭირესო, ისევ კაგებეს შეთხზული არაა? ისე რომ იცოდეთ საქართველოდან კაგებეს არქივები გაანადგურეს ან რუსეთში გაიტანეს სწორედ ეროვნული ხელისუფლების დროს. იქ იმდენი სიმართლე იყო, რომლის გამხელა არავის უნდოდა. ახლა სიმართლე იმ დროის მოღვაწეებზე ღმერთმა იცის და კიდევ თვითონ იმ პიროვნებებმა, რომელთა დიდი ნაწილი უკვე აღარაა ცოცხალი
მსგავსი სიახლეები
ბევრი დღეს ცოცხალი აღარ არის და ამდენად, მათი გახსენება ჩვენს გულებში განსაკუთრებულ გრძნობას აღძრავს
საქმესთან დაკავშირებით ამ წუთებში სასამართლო პროცესი მიმდინარეობს
2013 წლის 17 დეკემბერს მთაწმინდის პანთეონში ჭაბუა ამირეჯიბი დაკრძალეს
"ბიძინა მეუღლესთან ერთად სამების ტაძრიდან მამადავითამდე პროცესიას ფეხით მიუძღოდა, გამეხარდა"
ბატონობით მოგმართავთ, რადგან სულ ცოტა ათი არისტოკრატიული გვარისა და ბატონთა მოდგმისანი ხართ
"დღეს, როდესაც ჭაბუა ამირეჯიბი ჩვენს გვერდით აღარ არის, რთულია სიტყვებით გადმოსცე ის უდიდესი გულისტკივილი"
ირაკლი კაკაბაძე ჯაბუა ამირეჯიბის გარდაცვალებას სოციალურ ქსელში ეხმაურება
ამ კატეგორიის სხვა სიახლეები
18:17 / 25-05-2017  Image მოიპარეს თუ არა ბიზნესმენ ბუბა ქებურიას სახლიდან ნახევარი მილიონი - შსს-ს კომენტარი
შინაგან საქმეთა სამინისტროში ქურდობის ფაქტს ადასტურებენ
19:50 / 25-05-2017  Image კა­რა­ტის­ტი გო­გო­სა და ბი­ჭის სიყ­ვა­რუ­ლის ამ­ბა­ვი - "თა­თია ახ­ლა ჩე­მი პი­რა­დი მწვრთნე­ლია"
ამ წყვილს, რაც შე­იძ­ლე­ბა მე­ტი ადა­მი­ა­ნი უნ­და იც­ნობ­დეს
16:20 / 25-05-2017  Image "ცრემლები იმიტომ მომდის, რომ შეეხნენ ჩემს თავმოყვარეობას" - დემირელის კოლეჯის მმართველს 3-თვიანი წინასაექსტრადიციო პატიმრობა შეეფარდა
ჩაბუქი ითხოვს, არ გადასცენ თურქეთს, რადგან "იქ სამართლიანობა არ არსებობს"
16:38 / 25-05-2017  Image რატომ ვერ შედგა ცერებზე მარკუს მეტრეველი - "ნამდვილად არ ვარ ასეთი, როგორიც ბევრს ვგონივარ..."
"ვიტყვი, რომ საუკეთესო პარტნიორი მყავს"
15:19 / 25-05-2017  Image რა უნდა გააკეთოთ, რომ დიეტის დროს შიმშილმა არ შემოგიტიოთ
როგორ ვაკონტროლოთ შიმშილის ჰორმონი?
კვირის ყველაზე კითხვადი
პოპულარული კომენტარები
ინდურ სერიალად ნუ გადააქცევთ . ესაა უდიდესი ტრაგედია რაც მოხდა. მარტო ის რომ ეს გოგონა პრიმა ბალერინა გახდა, თუ ფიქრობს ვინმე ეს როგორი შრომის ფასად მიაღწია.ბალერინობას რომ მიაღწიო, უნდა იყო სათნო კეთილი, ნიჭიერი შრომისმოყვარე.რატომ არავინ არ ამბობს რატომ დაიწყო სმა ? ლოთი იყო და ისე ცეკვავდა? როგორ , ლოთობით გახდა პრიმა ბალერინა? ცოტა დაუკვირდით რა, მარტო მის ლანძღვაზე რომ გადახვედით ეგრე სადაა. იცის ვინმემ ის დედა , თუ დედობილი, როგორ ეპყრობოდა? რას ეუბნებოდა ?სულაც იქნებ მან მიიყვანა იმ ზომამდე, რომ ეს საშინელება ჩაიდინა. ჩვენ არაფერი ვიცით.იქნებ ისეა გამწარებული ,რომ არც ნანობს ეს უბედური გოგო. გ ინდათ გამლანძღეთ მეცოდება ორივე
ინტერნეტკონფერენცია
2017-05-24 06:59:12
სოციალურ ქსელში ლაშა თორდიას სავარაუდო...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49