კვირის ყველაზე კითხვადი სტატიები
თვის ყველაზე კითხვადი სტატიები
23:02 / 24-02-2016
"20 წლის დედამ ჩვენთვის სიცოცხლე დათმო, 20 წლის გამზრდელმა სიცოცხლე შემოგვწირა" - "სხვისი შვილების" თანამედროვე ისტორია
ეს ამბავი ქუთაისში წლების წინ მოხდა. 20 წლის ახალგაზრდა, მანანა კილაძე ტყუპების მშობიარობას გადაჰყვა. ქალმა, რომელიც შემდეგ ამ ოჯახის დიასახლისი გახდა, მთელი ცხოვრება ტყუპებს და მათ ძმას მიუძღნა. გაზარდა ისე, როგორც საკუთარი შვილები.
ბოლო დაბადების დღე მისმა შვილმა "ფეისბუქზე" გამოქვეყნებული პოსტით მიულოცა, რომელსაც ემოციის გარეშე ნამდვილად ვერ წაიკითხავდით.
მანუჩარ, ანზორ და ავთანდილ კაჭახიძეები მანანა შარაბიძეს "გმირ დედას" უწოდებენ. საკუთარი ისტორია მათ კიდევ ერთხელ "ნანუკას შოუში" გაიხსენეს.
ავთანდილ კაჭახიძე:
"მკაცრი დედა იყო, ყოველ დღე სკოლაში დადიოდა.
თუმცა როცა საქმე სიყვარულს, სიკეთეს, ამაგს და თავდადებას ეხება, ხმამაღლა შემიძლია ვთქვა, რომ დედაჩემი გმირია. 19 წლის ადამიანი გაჰყვა 3 შვილის მამას. ამ დროს მამა 21 წლის იყო. უდედობა ჩვენ არ გვიგრძნია. ერთადერთი, რაც მეხსიერებაში შემოდის არის ის, რომ მამას დავყავდით დედას საფლავზე".
ანზორ კაჭახიძე:
"მე ხშირად ვამბობ, სხვებისგან განსხვავებულები ვართ. სხვებს თუ აქვთ სწორი ცხოვრება და ეს მათთვის არჩევანია, ჩვენთვის ეს ვალდებულებაა. 20 წლის დედამ სიცოცხლე დათმო ჩვენთვის და 20 წლის გამზრდელმა სიცოცხლე შემოგვწირა. ამიტომ მიგვაჩნია, რომ სწორი ცხოვრება ვალდებულებაა და არა არჩევანი".
14 წლის იყვნენ ტყუპები, როდესაც მამა გარდაეცვალათ. როგორც ქალბატონი მანანა ამბობს, ამ დროს დაიწყო კაჭახიძეებისთვის "სხვა ცხოვრება", თუმცა ესეც გადალახეს.
მანანა შარაბიძე:
"მერვე კლასში იყვნენე ბიჭები, მაკა მესამე კლასში იყო. როდესაც ჩემი მეუღლე გარდაიცვალა კაჭახიძეების ოჯახისთვის სხვა ცხოვრება დაიწყო. სხვა ცხოვრების სტილზე გადავედით. იყო ეკონომიური პრობლემები.. იყო 90-იანი წლები... თუმცა ესეც გადავლახეთ".

იხილეთ ვიდეო
12:50 / 25-02-2016
gaixare
0
აი გმირი ქალიც ეს არის!
გამოეხმაურე / 0 /
12:03 / 25-02-2016
ნათია
1
ასეთი ისტორიები (გმირობა - თავდადება და მადლიერება) ხშირად უნდა გაშუქდეს, რომ მაგალითის მიმცემი და მასტიმულირებელი იყოს მომავალი თაობისათვის.. მართლაც რომ სიკეთეს და სიყვარულს უჭირავს ეს დედამიწა.. გაიხარეთ
გამოეხმაურე / 0 /
ამ კატეგორიის სხვა სიახლეები
18:12 / 17-01-2018  Image რატომ შევიდა ბაგა-ბაღებში რძის პროდუქტი ღვინის ეტიკეტიანი შეფუთვით? - "მილკოფუდის" განმარტება
"არასწორად ეტიკეტირებული რძის პროდუქტი აბსოლუტურად უსაფრთხოა"
15:25 / 17-01-2018  Image "პატრიარქს სთხოვა მოენათლა, ციხეშივე მონათლეს..." - რას ჰყვება მარეკ დუდაევზე მისი ქართველი ადვოკატი
"ერთხელ მითხრა, ისეთი ცხოვრება მაქვს გავლილი, ნეტავ რატომ გადავრჩიო..."
13:10 / 17-01-2018  Image 3 პირის დაჭრაში ბრალდებულ თამაზ ქვლივიძეს პატიმრობა შეუფარდეს
ქვლივიძე დარბაზშივე დააპატიმრეს
22:18 / 17-01-2017  Image როცა ლოგინის თეთრეულს ყიდულობთ, ეს უნდა იცოდეთ
ლოგინის თეთრეული დიასახლისის ერთ-ერთი მთავარი საზრუნავია
17:23 / 17-01-2018  Image "მაგთიკომმა" ტარიფების გაზრდა დროებით შეაჩერა
"მაგთიკომმა" კომუნიკაციების ეროვნული კომისიის წერილობითი თხოვნა გაითვალისწინა

პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49