კვირის ყველაზე კითხვადი სტატიები
თვის ყველაზე კითხვადი სტატიები
15:08 / 06-03-2016
"Iphone 6-ებით და ჯიპებით ხო დადიხართ... მარა მუქთა კუბოში ჩაწოლა გირჩევიათ!" - ექიმის უცენზურო პასუხი სასწრაფოს დაგვიანებით შეწუხებულებს
დაგვიანებული სასწრაფო საქართველოში არახალია. რა არის ამის მიზეზი - საცობები ქალაქში, ბრიგადების სიმცირე თუ ისეთი გამოძახებების სიმრავლე, "რომლებზეც სასწრაფო არ უნდა დადიოდეს", ამაზე პასუხი არ არსებობს, რეალობა კი ასეთია - მძიმე მდგომარეობაში მყოფ პაციენტსა და მის ახლობლებს ხშირად რამდენიმე საათიც უწევთ სასწრაფო დახმარების ლოდინი.

მსგავს მდგომარეობაში აღმოჩნდა რამდენიმე დღის წინ AMBEBI.GE-ს ჟურნალისტი ლალი ფაცია, რომელმაც სასწრაფო დახმარების სამსახური საღამოს 10 საათზე გამოიძახა და 2 საათი მოუხდა ლოდინი. ამის შესახებ ჟურნალისტმა ფეისბუქის პოსტში დაწერა. მწვავე პოსტს არანაკლებ მწვავე გამოხმაურებები მოჰყვა, თუმცა ამაზე ქვემოთ...

"ამ საღამოს სასწრაფომ "უძვირფასესი"
დრო გამატარებინა. 11-ის წუთებზე 112-ის სამსახურში დავრეკე, რადგანაც ჩემს ძმას ალერგიული შეტევა დაეწყო. ოპერატორმა მიპასუხა, - ბრიგადა მალე ვერ მოვაო; მაგრამ რას წარმოვიდგენდი, რომ 2 საათი ლოდინი დაგვჭირდებოდა, თან, ამ პერიოდის მანძილზე რამდენჯერმე 112-ში გადარეკვა და მათ მოლოდინში, ძირითადად, ქუჩაში დგომა. ამასობაში გაირკვა,რომ ჩვენს მეზობელსაც გამოეძახებინა სასწრაფო, ბებია გახდომია ცუდად და ისიც ქუჩაში იყო გამოსული...

2 საათის შემდეგ, როგორღაც მოვიდნენ, ჯერ მეზობელთან შევიდნენ, შემდეგ - ჩვენთან. თქვენზე წინ გადაუდებელ შემთხვევები იყო და ამიტომ დავაგვიანეთო. მესმის და მჯერა, რომ გადაუდებელ პაციენტებთან იყვნენ და ჩენზე წინ ისინი დააყენეს, მაგრამ რა დავაშავეთ ჩვენ?! (2 საათში ხომ შეიძლება პაციენტს სერიოზულად გაურთულდეს მდგომარეობა?!) ამ საღამოს ისიც გავარკვიე, რომ თურმე სასწრაფოს ავადმყოფთან მისვლა ხანდახან 2 საათზე მეტიც აგვიანდება, მაგალითად, 6 საათი.

თბილისს სულ 80 მანქანა ემსახურება, ჩუღურეთს, ანუ ჩვენს რაიონს - 10. თუკი ასეთი ინტერვალებით დადიან სასწრაფოს ბრიგადები, გამოდის, ეს 80 მანქანა არ არის საკმარისი დედაქალაქისთვის. ან როგორ ეყოფა, ამ "ძვირფასი" ცხოვრებისგან დაავადმყოფებულ-დანევროზებულ საზოგადოებას?! თქვე, დალოცვილებო, ადექით და დაამატეთ ეს ბრიგადები, დაამატეთ!!! რაღაცაში მაინც დაეხმარეთ და გამოადექით ხალხს..." - წერს ლალი ფაცია პოსტში.

კომენტარებიც დაახლოებით იმავე შინაარსისაა - ფეისბუქ-მომხმარებლები სასწრაფოს დაგვიანებასთან დაკავშირებულ თავიანთ ისტორიებს იხსენებენ: "რამდენიმე დღის წინ ავად გავხდი, ძალიან ცუდად ვიყავი და იგივე გვიპასუხეს. მეზობელი კორპუსიდან მოვიყვანეთ ნაცნობი ექიმი და იმან გადამარჩინა. სამაგიეროდ პ.ს. ორი საათის შემდეგ მოვიდნენ, გამიღიმეს, კარგია უკეთ რომ ხარო და წავიდნენ. სასწრაფო სიკვდილია, აბა რა არის"; "ჩემმა მეგობარმა გამოიძახა რამდენიმე დღის წინ 10 საათზე ღამე, მასაც უპასუხეს დაგვაგვიანდებაო და მერე შუაღამის პირველ საათზე თვითონვე გადმოურეკეს მოვიდეთ თუ არა, კიდევ გჭირდებითო..."; - წერენ კომენტარებში.

აღსანიშნავია, რომ კომენტარებს გამოეხმაურა თბილისის სასწრაფო სამედიცინო დახმარების ცენტრის საზოგადოებასთან ურთიერთობის სამსახურის თანამშრომელი თამრიკო მჭედლიშვილი, რომელმაც ასეთი პასუხი გასცა აღშფოთებული ჟურნალისტების კრიტიკას: "თემა თუ მისახედია, მოდით ერთად მივხედოთ. აგერ ვართ და გელით. კონკრეტული კითხვებით"

თუმცა, ყველაზე აღსანიშნავი და ხაზგასასმელი ამ ფეისბუქ-ამბავშიერთი კომენტარია, რომელიც პოსტზე რამდენიმე საათის შემდეგ გაჩნდა: "მერე და ეს დალოცვილი 2 საათი რას ელოდებით სასწრაფოს, წასულიყავით საავადმყოფოში... Iphone 6-ებით და ჯიპებით ხო დადიხართ და კაპიკის გადახდა არ გინდათ საკუთარი ჯანმრთელობისთვის.. თანაც თუ გადაუდებელი მდგომარეობაა საყოველთაო დაზღვევა აფინანსებს იმის მიუხედავად სასწრაფო მიიყვანს თუ თვითონ მივა პაციენტი. მარა მუქთა კუბოში ჩაწოლა გირჩევიათ!!! ყველას დედას შე... ვინც სასწრაფოს ექიმებზე დაგვიანების გამო ცუდს იტყვის. ეგ არაა ექიმის ბრალი, და ტრ... დააყენეთ ყველამ!!!!" - წერს კომენტარში ვინმე დავით ვარდიაშვილი, რომელიც როგორც მისი ფეისბუქის გვერდიდან ირკვევა, არც მეტი არც ნაკლები... თბილისის სასწრაფო სამედიცინო დახმარების ცენტრის ექიმია.

როცა მის უცენზურო კომენტარს კრიტიკა მოჰყვა, ბატონი დავითი ტონის შერბილებას შეეცადა და დაწერა: "პირველადი ჯანდაცვის განვითარებაა საჭირო და პოლიკლინიკების და საოჯახო მედ. ცენტრების გახსნა დამატებით და იმის ცოდნა რომ ყველაფერზე სასწრაფოს გამოძახება არ შეიძლება.. 500 ბრიგადა რომ იყოს, მაინც არ ეყოფა 2 მილიონიან ქალაქს. ექიმების ლანძღვა შეიძლება და ჩემგან არ შეიძლება ხო?! მე მკითხეთ რა ხდება სასწრაფოში და ასეთი "გამოსვლები" აღარ იქნება საჭირო".


საკითხი ამით არ დასრულებულა, AMBEBI.GE უახლოეს მომავალში ვრცელ სტატიას შემოგთავაზებთ სასწრაფოს დაგვიანების პრობლემის შესახებ, რომელშიც ყველა მხარის პოზიცია იქნება დაფიქსირებული.
13:43 / 28-04-2017
sofo
0
ამ შემთხვევაში პირველად ვეთანხმები დავით ვარდიაშვილს... მე პირადად 2-ჯელ ან მაქსიმუმ 3-ჯერ მეყოლება სასწრაფო გამოძახებული ისიც იმის გამო რომ ღამე დაძინებულ ბავშვთან არავინ მყავდა დამტოვებელი და სამივეჯერ 5 წუთზე მეტი ლოდინი არ დამჭირვებია....ყოველთის როცა მჭირდება თავად მივდივარ ან მიმყავს ბავშვები გადაუდებელში.... არ მაქ ისეთი პაციენტები მხედველობაში რომლებიც მრთლა ვერ წავლენ თვითონ! უბრალოდ წნევის გამო მართლა არუნდა იძახებდნენ სასწრაფოს და სხვა უარეს ავადმყოფებთან აგვიანდებათ შემდეგ....
09:33 / 28-04-2017
Msia
0
Dasabletshi , kerdzod italiashi, sasacrafos mankanas eqimi ar axlavs, tu gicirs shen tviton midixar saavadmkofos sascrafo daxmarebashi da xan 2 dan 6 saatamde gicevs lodini, gaacnia ra gcirs, aris tetri, mcane, kviteli da citeli kodebi, imis mixedvit gicevs rigi, ratom elidebit saxlshi,,, cadit tkve dalicvilebo saavadmkofoshi
მსგავსი სიახლეები
"საქართველოში ევროპული პრეპარატი უფრო იაფი ღირს, ვიდრე მისი ეგვიპტური ანალოგი"
აკაკი ზოიძე აცხადებს, რომ აუცილებელია ექიმის კვალიფიკაციის საკითხი მუდმივად გადამოწმდეს
+VIDEO: რამდენად საშიშია პარაზიტები ორაგანიზმში და როგორ შეიძლება მათი თავიდან აცილება
ინკუბაციურ პერიოდს 15-30 დღის განმავლობაში გადის, მერე კი უცბად ვლინდება მწვავე კლინიკური სურათი
ექიმის განცხადებით, ლაშა თორდიას ჯანმრთელობის მდგომარეობა საშუალო სიმძიმის, სტაბილურია
+VIDEO განაცხადა, რომ უდანაშაულოა და 3 შვილის დედის რეალურმა მკვლელმა ის ხაფანგში გააბა
ბავ­შ­ვო­ბა­ში ექი­მად თა­ვი ვერ წარ­მო­ედ­გი­ნა, ყვე­ლა­ზე მე­ტად წე­რა უყ­ვარ­და
მიუხედავად ჩატარებული ოპერაციული მკურნალობისა, საავადმყოფოში მიყვანილი პაციენტი ვერ გადაარჩინეს
ამ კატეგორიის სხვა სიახლეები
23:19 / 24-11-2017  Image რა მდომარეობაში არიან "მის საქართველოს" კონკურსანტები, რომლებიც ხაძრის დროს სასტუმროში იმყოფებოდნენ - უახლესი ცნობები ბათუმიდან
+VIDEO| "მის საქართველოს" ყველა კონკურსანტი, რომელიც ხანძრის დროს სასტუმრო "ლეო გრანდში" იმყოფებოდა
22:35 / 24-11-2017  Image არის თუ არა გაბრიელ სალოსის ქუჩაზე სპეცოპერაციის დროს დაკავებული პირი სუხო დუდაევი - ადვოკატის კომენტარი
ბერი გაბრიელ სალოსის ქუჩაზე სპეცოპერაციის დროს დაკავებული პირის ადვოკატი იმედა ქარქაშაძე
10:50 / 24-11-2017  Image „მონოლით ჯგუფის“ აქცია - ბინა თვეში 780 ლარიდან და საჩუქარი!
Monolith Residence Ortachala 9 სართულიანი პრემიუმ კლასის კომპლექსია
23:12 / 24-11-2017  Image სოფლები და თბილისის უბნები, სადაც ხვალ დენის მიწოდება შეიზღუდება
გეგმური სარეაბილიტაციო სამუშაოების გამო, "ენერგო-პრო ჯორჯიას" აბონენტების ნაწილს ხვალ ელექტროენერგიის მიწოდება
20:19 / 24-11-2017  Image დაშორდა თუ არა ნიკა ალასანიას ლიკა ევგენიძე და ვის ხვდება ამჟამად ტელეწამყვანი
რამდენიმე კვირის წინ, თბილისში ლიკას ახალ სიყვარულზე ალაპარაკდნენ
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49