კვირის ყველაზე კითხვადი სტატიები
თვის ყველაზე კითხვადი სტატიები
07:08 / 11-03-2016
რა პრინციპით არჩევენ პარკინგის ადგილებს თბილისში - მერიის პასუხი მრავალსართულიან პარკირებასა და ოფისებისთვის სივრცის გამოყოფაზე
დედაქალაქში არსებული საცობები და საპარკინგე ადგილები მოსახლეობის განსჯის საგანია. როგორ ხდება თბილისში მანქანის გასაჩერებელი ადგილების გამოყოფა, როგორ ნაწილდება მძღოლის და ფეხით მოსიარულეთა ინტერესები. ამ და კიდევ სხვა კითხვებით მერიის საზოგადოებასთან ურთიერთობის სამსახურის ხელმძღვანელს ლილი ხმალაძეს მივმართეთ:

- როგორ და რა პრინციპით მოხდა თბილისში პარკინგის ადგილების გამოყოფა?
- დედაქალაქის ტერიტორიაზე ავტოსატრანსპორტო საშუალებათა პარკირების ადგილების გამოყოფის მიზანშეწონილობის საკითხის განხილვისას გათვალისწინებული იყო რამდენიმე გარემოება, კერძოდ: საგზაო მოძრაობის უსაფრთხოების ფაქტორი (მათ შორის ქვეითთა უსაფრთხო გადაადგილება), ქუჩის და ტროტუარის გეომეტრიული
პარამეტრები და კონკრეტულ ტერიტორიაზე პარკირების ადგილების არსებობის მიზნობრიობა. ტერიტორიის შერჩევის შემდეგ მოხდა მისი შეთანხმება ადმინისტრაციულ და სამართალდამცავ ორგანოებთან და ქალაქ თბილისის მთავრობის სხდომაზე დამტკიცება (შესაბამისი ლოკაციის, დგომის მეთოდის, ადგილების რაოდენობის და შეზღუდული შესაძლებლობების მქონე პირისთვის გამოყოფილი სპეციალური ადგილების მდებარეობისა და რაოდენობის მითითებით).

- როცა ახალი ადგილების საჭიროება დგება, როგორ ხდება პარკინგის ადგილების გამოყოფა დღეს?
- ქალაქ თბილისის მუნიციპალიტეტის მერიის ტრანსპორტის საქალაქო სამსახურის წარმომადგენლების მიერ (მოქალაქეების და ორგანიზაციების მომართვის საფუძველზეც) ხდება კონკრეტული ტერიტორიის შესწავლა და სადგომის მოწყობის მიზანშეწონილობის საკითხის დადგენა. ისევე როგორც უკვე დამტკიცებულ პარკირების ადგილებზე, ასევე ახალი ადგილების განსაზღვრისას პარკირების ადგილების გამოყოფის მიზანშეწონილობის საკითხის დადგენისას ვითვალისწინებთ რამდენიმე გარემოებას, რომლებიც ზემოთ უკვე მოგახსენეთ.

- როგორ ნაწილდება ფეხით მოსიარულეთა და მძღოლების ინტერესები?

- ავტოსატრანსპორტო საშუალებების მძღოლებსა და ფეხით მოსიარულეთა ინტერესებს შორის უპირატესობა ენიჭება ქვეითთა უსაფრთხო გადაადგილებას.

- როდესაც ქალაქის ცენტრში დიდი ოფისი იხსნება და ოფისს თავისი პარკინგის მიწა არ აქვს საკუთრებაში, როგორ ხდება მათი თანამშრომლებისთვის პარკინგის ადგილის გამოყოფა?
- თბილისში ავტოსატრანსპორტო საშუალებათა პარკირება დაშვებულია სპეციალურად გამოყოფილ ადგილებზე, რომლებზეც დამონტაჟებულია შესაბამისი საგზაო ნიშნები დგომის ხერხის მინიშნებით და აგრეთვე სავალ ნაწილზე დატანილია საგზაო მონიშვნა. ზემოთხსენებულ ადგილებზე ავტოსატრანსპორტო საშუალებათა გაჩერება შეუძლია ნებისმიერ პირს იმ შემთხვევაში, თუ გადახდილია პარკირების საფასური და დაცულია დგომის ხერხი. შესაბამისად, ექსკლუზიური უფლების გაცემა ფიზიკურ ან იურიდიულ პირებზე არ ხორციელდება.

- ვალდებულია თუ არა ორგანიზაცია, ჰქონდეს პარკინგის ადგილი?

- აღნიშნული ტიპის ვალდებულებას დღეს მოქმედი კანონმდებლობა არ ითვალისწინებს.

- ქალაქის ცენტრში ბევრი ასეთი ოფისის არსებობა ქმნის თუ არა დამატებით საცობის გაზრდის შანსებს და თუ ქმნის, თავიდან ასაცილებლად რა გეგმა აქვს მერიას?
- თბილისის მერია მუშაობს აღნიშნულ საკითხზე.

- ქალაქში არსებობს ე.წ. ხელოვნური კუნძულები. რამდენად ქმნიან ისინი ავარიულ სიტუაციებს და საცობებს?
- ე.წ. "ხელოვნური (უსაფრთხოების) კუნძულებზე" ავტოსატრანსპორტო საშუალებების დგომა ან/და გაჩერება აკრძალულია საქართველოში მოქმედი კანონმდებლობის შესაბამისად. ასეთ კუნძულებზე კანონდარღვევით მდგარი ავტოსატრანსპორტო საშუალება წარმოადგენს საფრთხეს საგზაო მოძრაობის მონაწილეებისათვის.

- იყო საუბარი მრავალსართულიან "პარკინგზე", რომელიც იყო მერის იდეა, რა ეტაპზეა ეგ გეგმა?
- დედაქალაქის მერია მუშაობს აღნიშნულ საკითხზე.

ლადო გოგოლაძე

AMBEBI.GE
13:23 / 12-03-2016
nato
0
ტაშკენტის ქუჩის მაცხოვრებლები მედიქლაბჯორჯიას გამო დატანჯულები ვართ, საერთოდ არ არის პარკირების ადგილები და სახლში მისულები სულ ცოტა ნახევარი საათი აწრეებს ვურტყავთ მიმდებარე ქუჩაზე მაინც რომ გავაჩეროთ და თუ მოვახერხეთ და გავაჩერეთ დილით ჯარიმა გვხვდება ხშირ შემთხვევაში. ამ პატარა ქუჩის გადატვირთულობაზე ხომ აღარაფერს ვამბობ.პატრონი არ გამოჩნდა და რაზე მუშაობენ ვერ მესმის, სად ჩანს მუშაობა.
13:11 / 12-03-2016
nato
0
ტაშკენტის ქუჩის მაცხოვრებლები მედიქლაბჯორჯიას გამო დატანჯულები ვართ, საერთოდ არ არის პარკირების ადგილები და სახლში მისულები სულ ცოტა ნახევარი საათი აწრეებს ვურტყავთ მიმდებარე ქუჩაზე მაინც რომ გავაჩეროთ და თუ მოვახერხეთ და გავაჩერეთ დილით ჯარიმა გვხვდება ხშირ შემთხვევაში. ამ პატარა ქუჩის გადატვირთულობაზე ხომ აღარაფერს ვამბობ.პატრონი არ გამოჩნდა და რაზე მუშაობენ ვერ მესმის, სად ჩანს მუშაობა.
მსგავსი სიახლეები
უფრო კონკრეტულად, უქმდება შემდეგი კომისიები:
კახა კალაძემ თბილისის მერიის საქალაქო სამსახურების ხელმძღვანელები წარადგინა
ირაკლი ხმალაძეს ენერგეტიკის მინისტრად მუშაობისას კალაძის მოადგილის თანამდებობა ეკავა
წვიმით და საცობით შეწუხებული თბილისელები "ფეისბუქზე" იოხებდნენ გულს
წურწუმიას ქუჩაზე ავტომობილები გადაადგილდებიან ორმხრივად
"მერიას მიზანშეწონილად მიაჩნია, უსაფრთხოების დაცვის მიზნით დაგეგმილი მშვიდობიანი აქცია ჩატარდეს სხვა ლოკაციაზე"
ამ კატეგორიის სხვა სიახლეები
23:08 / 11-12-2017  Image "ჩვენი ოჯახის ცხოვრებაში რთული პერიოდია და ვერ წარმომედგინა თუ რამე ასე გამიხარდებოდა" - გიული ალასანია შვილის გათავისუფლებაზე
+VIDEO "მთელი საღამო მირეკავდნენ და მილოცავდნენ შინაპატიმრობას. კატეგორიულად არ ვიღებდი ამ მოლოცვას"
22:29 / 11-12-2017  Image მიხეილ სააკაშვილი - მოსამართლემ, მიუხედავად პირადად პრეზიდენტის ზეწოლისა, სრულიად საპირისპირო გადაწყვეტილება მიიღო
"ერღვევათ სისტემა. ამათთვის ახლა სასიცოცხლოდ მნიშვნელოვანი იყო სახლში ჩავეკეტე და გარეთ არ გამოვეშვი"
10:13 / 12-12-2017  Image ყველაზე შთამბეჭდავი ელექტრომობილი - Tesla Model S
საკმარისია, ელექტრომობილი ახსენო, რომ დიდს თუ პატარას მაშინვე Tesla ახსენდება.
10:24 / 11-12-2017  Image რა იწვევს ფსორიაზს და როგორ მკურნალობენ მას - "ეს დაავადება ადამიანს შეიძლება ნებისმიერ დროს გაუჩნდეს"
"ფსორიაზი ამოუცნობი გენეზის დაავადებაა, მაგრამ ის განაჩენი არ არის!"
17:02 / 11-12-2017  Image "არ ვარ ისეთი, ზედმეტად რომ გადაყვებიან შვილებს და აბოდებთ..." - როგორი მამაა მიხეილ ცაგარელი და რა ელით მშობლებს ძაღლის წელში
როგორ მოახერხა,  ცნობილმა ასტროლოგმა რომ შვილებთან კონფლიქტი არასოდეს ჰქონოდა

პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49