კვირის ყველაზე კითხვადი სტატიები
თვის ყველაზე კითხვადი სტატიები
13:12 / 23-03-2016
დღეს მთვარის დაბნელებაა - რა უნდა გაითვალისწინოთ იმისთვის, რომ სურვილები ასმაგი სისწრაფით აგისრულდეთ
დღეს, დღის 16:00 საათისთვის ასტროლოგები მთვარის დაბნელებას ელოდებიან. თუ რა მოვლენაა ეს და როგორ უნდა მოიქცეს ამ დროს ადამიანი, ამაზე ასტროლოგი, astrologi.ge-ს რედაქტორი სოფია ბზეკალავა გვესაუბრება.

- თითქმის ყველა ასტროლოგი აანონსებდა, რომ წლის განმავლობაში მარტის თვე ერთ-ერთი რთული პერიოდია, რადგანაც მზის ორმაგმა დაბნელებამ მოუწია, 23-ში კი, მთვარის დაბნელებაც არის მოსალოდნელი. იქნებ აგვიხსნათ, რას ნიშნავს ეს ყველაფერი?
- მთვარის დაბნელება არის ასტრონომიული მოვლენა. ამ დროს დედამიწა ექცევა მზესა და მთვარეს შორის ანუ მთვარემდე ვეღარ აღწევს მზის სხივები და მთლიანად იფარება - "ბნელდება", რაც სავსემთვარეობას ემთხვევა, რომელსაც ჩვენი წინაპრებიც უდიდეს გავლენას
მიაწერდნენ. ამ პერიოდში გააქტიურებულია ადამიანის ქვეცნობიერი და ხშირად ასეთ პერიოდში ფატალური, კარდინალური ცვლილებების მქონე მოვლენები ხდება.

დაბნელებები წლის მანძილზე რამდენჯერმეა, რა პერიოდშიც სამყარო ადამიანებისკენ უსაზღვროდ დიდ ენერგიას აგზავნის. ამიტომ მხოლოდ ნეგატივზე ნუ მოვახდენთ კონცენტრაციას. ეს დრო კარგია სურვილების ჩასაფიქრებლად, სასურველი მომავლის მოდელის კონფიგურაციისთვის. ასეთ მომენტებში კოსმოსი ღიაა და ჩვენი სურვილები ასმაგი სისწრაფით ასრულდება.

რაც შეეხება მზის დაბნელებას (9 მარტი), უკვე გავიარეთ და ამჯერად მთვარის დაბნელებას ველით. როგორც წესი, დაბნელებები "წყვილ-წყვილად დადიან", ამიტომ ასტროლოგები დაბნელების სეზონს ე.წ. "დაბნელების კორიდორს" უწოდებენ. ამ პერიოდში, ანუ მზის დაბნელებიდან მთვარის დაბნელებამდე და შემდგომ (პლუს-მინუს - 5-7 დღე) აუცილებელია სიმშვიდის შენარჩუნება, პოზიტიური აზროვნება. კონფლიქტებისგან თავის არიდება და მაქსიმალური კონცენტრაცია მხოლოდ დადებითზე.

- კონკრეტულად, რა არის მოსალოდნელი და როგორ გამოიხატება, ან აისახება ის ადამიანებზე, სამყაროზე?
- დაბნელებები, როგორც წესი, ააქტიურებს იმ მოვლენების კულმინაციურ პიკს, რომელსაც წარსულში ჩაეყარა საფუძველი. მოვლენების რაობა და შინაარსი დამოკიდებულია იმაზე, თუ კონკრეტულად რომელ ნიშანში ხდება დაბნელება. ამ ეტაპზე მთვარის დაბნელება სასწორის საწყის გრადუსებს უწევს, რაც იმას ნიშნავს, რომ აქტიურდება სასწორი-ვერძის (ჩვენ-მე) ღერძი. აქტიურად დადგება დღის წესრიგში პარტნიორულ ურთიერთობებში წარმოქმნილი პრობლემები და საკითხები, რომელიც ზოგადად ჩვენს სხვა ადამიანებთან სწორად დამოკიდებულებას უკავშირდება.

პოლიტიკურადაც აქტიურია ეს დაბნელება. მოსალოდნელია ბევრი ცვლილება. შეთანხმებების დარღვევა ან სრულიად ახალ ფორმატში მათი განვითარება. შესაძლებელია, მოხდეს ცხელ წერტილებში სიტუაციის განმუხტვა, თუკი საამისოდ იქნება მზადყოფნა და პოლიტიკოსების კეთილი ნება. თუმცა ასევე შეიძლება მოხდეს მოულოდნელი აფეთქებებიც, რისი მომსწრეც, მაგალითად, დაბნელების წინა დღეს (22 მარტი) გავხდით, ბრიუსელში მომხდარი ტერაქტის სახით. ეს საშინელი ფაქტი აუცილებლად გამოიწვევს ჯაჭვური მოვლენების მთელ რიგს... საერთოდ, დაბნელებაზე მომხდარი ყველანაირი და მით უფრო ასეთი შემზარავი ფაქტი ძალიან დიდ რეზონანსს იწვევს სამყაროში.
მოსალოდნელია ასევე ისიც, რომ ბრიუსელის შემთხვევა საფუძველს დაუდებს ტერორიზმთან სერიოზული ბრძოლის დაწყებას (არა მხოლოდ სიტყვებით, რეალური და გადამჭრელი ქმედებით).

- როგორ უნდა იქნას აცილებული საფრთხეები?
- გამომდინარე იქედან, რომ ამჯერად მთვარე ბნელდება, პირველ რიგში ემოციური ფონის კონტროლი და განწყობაზე დაკვირვება ქალებსა და ბავშვებს მოეთხოვებათ. შესაძლოა, დაბნელების პერიოდში ასევე რამდენიმე დღე (წინ და უკან) გააქტიურდეს წნევის ცვალებადობა, აგრესიულმა ფონმა და გაღიზიანებამ ადამიანებში მოიმატოს. როგორც წესი, ამ დროს პატარა ბავშვები, უფრო მეტს ჭირვეულობენ ან საერთოდ, არაადეკვატურად იქცევიან. ამიტომ მეტი მოთმინება გმართებთ მათთან ურთიერთობისას. მთვარის დაბნელება დიდწილად სუსტი სქესის წარმომადგენელთა ფსიქიკაზე მოქმედებს.

შესაბამისად, ძვირფასო მამაკაცებო, გაგებით მოეკიდეთ თქვენი მეორე ნახევრების მხრიდან გამოვლენილ ემოციებს... დაბნელების ენერგეტიკის გადატანა შედარებით უფრო გაუჭირდებათ კარდინალური ნიშნის ადამიანებს ანუ ვერძებს, სასწორებს, კირჩხიბებსა და თხის რქებს. ამ ადამიანებს ასტროლოგები ურჩევენ დაბნელების პერიოდში და უახლოეს დღეებში არ მიიღონ მნიშვნელოვანი გადაწყვეტილება, არ ჩაებან კონფლიქტებში და არ წამოიწყონ ახალი ურთიერთობები. ასევე მაქსიმალურად აკონტროლონ ჯანმრთელობა და ემოციები.

სიფრთხილე გამოიჩინეთ ავტომობილის საჭესთან! ზოგადად აჯობებს არ დაგეგმოთ გრძელვადიანი მოგზაურობები. თავი შეიკავეთ ასევე მსხვილი ფინანსური ვალდებულებების აღებისგან. მოერიდეთ კრედიტებსა და ვალებს (როგორც ფულის სესხებას, ისე გასესხებას). ნუ დაგეგმავთ ამ პერიოდში ქორწინებას, უძრავი ქონების გაფორებას ან ყიდვა-გაყიდვის პროცედურებს. თუკი არ გსურთ, რომ სამომავლოდ ეს ყველაფერი გარკვეულ პრობლემად იქცეს თქვენს ცხოვრებაში.

შეინარჩუნეთ პოზიტიური აზროვნება, სულის სიმშვიდე და გაწონასწორებული ხასიათი. დაისახეთ მიზნები, დააპროგრამეთ თავი უკეთეს ცხოვრებაზე (განსაკუთრებით პარტნიორულ კავშირებს ეხება ეს), დაფიქრდით, სად არ გყოფნით პრინციპულობა და სითამამე მიზნების მისაღწევად, გააქტიურეთ თქვენში თვითშეფასების კოეფიციენტი და გწამდეთ, დაბნელებისას ჩაფიქრებული სურვილები სამომავლოდ აუცილებლად აგისრულდებათ.

ბოლოს ისევ ბრიუსელში მომხდარ ტერაქტს დავუბრუნდები და გავიმეორებ, რომ ამ ფაქტს აუცილებლად ექნება დიდი რეზონანსი და მოვლენები ჯაჭვურად გაგრძელდება. ზოგადად დაბნელებისას ნებისმიერი ტიპის და ფორმის აგრესია ძალიან ცუდად უბრუნდება უკან აგრესორს. შესაბამისად, უნდა გვახსოვდეს, რომ მაქსიმალურად შევიკავოთ თავი ემოციების სპონტანური გამოვლინებისგან. სიმშვიდე ამ დღეებში ყველაზე დიდი "კაპიტალია" ჩვენთვის.

ლალი ფაცია
AMBEBI.GE
17:04 / 23-03-2016
:)
0
ეს ასტროლოგები მაგარი ფანტაზიორები არიან, რა შუაშია ბელგიაში მოხდარი ტერაქტი ასტროლოგიასთანს, არ მჯერა მე ეგეთი რაღაცეების.
16:36 / 23-03-2016
--
0
89 წლიდან 2003 წლამდე სრულ სიბნელეში ვიჯექით და რამ უნდა გაგავოცოს
მსგავსი სიახლეები
"10 სექტემბრამდე მაინც გაუძელით, რომ მთვარე უფრო მეტად პრაქტიკულ კუროში გადავიდეს"
ასტროლოგი ხათუნა ნოელი სოციალურ ქსელში მომავალი ერთი თვის მოკლე
"დაბნელებას განსაკუთრებული გავლენა ექნება აგვისტოს თვეზე და ასევე, შემდგომ 6-8 თვეზე"
"შესაძლოა სწორედ ნემეზიდიდან ჩამოვიდნენ სტუმრად პირველი ასტრონავტები"
ხატია ბრაჭულის რისკი, წინათგრძნობა და პერიოდი, როცა ვარსკვლავები სწყალობენ
დაბნელება - მზის იქნება თუ მთვარის, მნიშვნელოვან კოსმიურ ცვლილებებს იწვევს
"მოსალოდნელია, რომ ურთიერთობები, რომლებიც სიყალბესა და უსამართლობაზეა დაფუძნებული, დასრულდეს"
სასარგებლო შედეგებით სარგებლობის საშუალება ექნებათ - თევზებს, მორიელებს, კუროებსა და ქალწულებს
ამ კატეგორიის სხვა სიახლეები
20:19 / 22-11-2017  Image "სერიოზული ჯგუფი იყო, მაგრამ მძევლები აყვანილი არ ჰყოლიათ" - სუს-ის უფროსი განმარტავს, რატომ გაგრძელდა სპეცოპერაცია თითქმის 20 საათი
"პირველ რიგში მინდა მივუსამძიმრო დაღუპულის ოჯახს, ის იყო სახელმწიფო უსაფრთხოების სამსახურის
22:43 / 22-11-2017  Image გაბრიელ სალოსის ქუჩაზე ჩატარებულ სპეცოპერაციას "ფეისბუქზე" ეხმაურებიან
"არ მოსულა სახალხო ღლიცინი მაშინ, როცა შენს ქალაქში ტერორისტები ისვრიან!"
20:26 / 22-11-2017  Image ავღანეთში საქართველოს შეიარაღებული ძალების სამი სამხედრო მოსამსახურე დაიჭრა
III ქვეითი ბრიგადის 31-ე ქვეითი ბატალიონის სამხედრო მოსამსახურეების მაიორ პაპუნა ხორავას
18:23 / 22-11-2017  Image ეროვნულმა ბანკმა ლარის ახალი კურსი დაადგინა
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ
13:37 / 22-11-2017  Image 48 წლის ვიქტორია გვიმხელს, თუ როგორ შეიძლება ყველა ქართველმა ისწავლოს ინგლისური ძალისხმევის გარეშე!
გაიგეთ, თუ როგორ შეგიძლიათ ისწავლოთ ინგლისური სწრაფად და მარტივად
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49