IRI-ს კვლევის თანახმად, AMBEBI.GE ინტერნეტით ინფორმაციის მიღების წყაროებს შორის ლიდერია

ინფორმაციის მისაღებად ინტერნეტმომხმარებლები ყველაზე ხშირად AMBEBI.GE-ს სტუმრობენ. ასეთი შედეგები გამოაქვეყნა IRI-მ 2016 წლის საზოგადოებრივი აზრის კვლევის ფარგლებში.

საერთაშორისო რესპუბლიკური ინტიტუტის კვლევების შედეგების თანახმად, გამოკითხულთა 20% ინფორმაციას ინტერნეტში AMBEBI.GE-ს საშუალებით იღებს.

იხილეთ ვიდეო| AMBEBI.GE-ს რედაქტორი: "ძალიან ბევრი ადამიანის დილა AMBEBI.GE-თი იწყება"

მეორე ადგილს ინტერნეტში ინფორმაციის მიღების წყაროებს შორის, ქართველი გამოკითხული რესპონდენტებისთვის "ფეისბუქი" იკავებს.

გამოკითხვის ფარგლებში, რომელიც 12 მარტიდან 2 აპრილის პერიოდში მიმდინარეობდა, შემთხვევითი შერჩევის პრინციპით, აფხაზეთისა და ე.წ. სამხრეთ ოსეთის გარდა საქართველოს ყველა დანარჩენ რეგიონში 1500 რესპონდენტი გამოიკითხა.