კახა კალაძე ხურჩაში მოკლულ გიგა ოთხოზორიას ოჯახს ფინანსურად დაეხმარა

ვიცე პრემიერი, ენერგეტიკის მინისტრი კახა კალაძე ხურჩაში მოკლულ გიგა ოთხოზორიას ოჯახს 20 000 ლარით დაეხმარა. აღნიშნული ინფორმაცია "ინტეპრესნიუსს" ენერგეტიკის სამინისტროში დაადასტურეს , თუმცა, უწყებაში კონკრეტული თანხის დასახელებისგან თავი შეიკავეს.

გავრცელებული ინფორმაციით, კახა კალაძე ოთხოზორიას ოჯახს 20 000 ლარით დაეხმარა.

საქართველოს მოქალაქე გიგა ოთხოზორია ე.წ. მესაზღვრემ ცეცხლსასროლი იარაღიდან გასროლით 20 მაისს, დაახლოებით, 15:00 საათზე მოკლა. გიგა ოთხოზორიას ზუგდიდში ხვალ დაკრძალავენ.