თბილისში ავტომანქანების გადაადგილება რამდენიმე მიმართულებით შეიზღუდა

13 ივნისისადმი მიძღვნილი ღონისძიებების გამო, თბილისში რამდენიმე მიმართულებით ავტომანქანების გადაადგილება შეიზღუდა. აღნიშნულთან დაკავშირებით შინაგან საქმეთა სამინისტრო განცხადებას ავრცელებს.

შინაგან საქმეთა სამინისტროს საპატრულო პოლიციის დეპარტამენტის ინფორმაციით, 2015 წლის 13 ივნისს მომხდარი წყალდიდობის შედეგად დაღუპულთა ხსოვნისადმი მიძღვნილი ღონისძიებების გამო, 13 ივნისის საღამოს 20:00 საათიდან 14 ივნისის 03:00 საათამდე ავტომანქანების მოძრაობა აიკრძალა - მიხეილ თამარაშვილის ქუჩიდან გმირთა მოედნის მიმართულებით. ავტომანქანებით

გადაადგილება ასევე შეიზღუდება სულხან ცინცაძის ქუჩიდან ვერეს ხეობაში მდებარე გვირაბის გავლით, ნინო რამიშვილის ქუჩის მიმართულებით.

14 ივნისს 09:00-დან 11:00 საათამდე ავტომანქანების მოძრაობა აიკრძალება - მიხეილ თამარაშვილის

ქუჩიდან ნინო რამიშვილის ქუჩამდე, ასევე, გმირთა მოედნიდან მიხეილ თამარაშვილის ქუჩის მიმართულებით.