აშშ-ის დასავლეთ ვირჯინიის შტატში წყალდიდობას 20-ზე მეტი ადამიანი ემსხვერპლა. ძლიერი წვიმით გამოწვეული სტიქიის გამო 60 000-მდე საცხოვრებელ სახლს ელექტროენერგია არ მიეწოდება.გრძელდება სამძებრო-სამაშველო ოპერაცია.
დასავლეთ ვირჯინიის შტატის გუბერნატორის, ერლ რეი ტომბლინის განცხადებით, სტიქიის მიყენებული ზარალი "უზარმაზარია".
"განადგურებულია გზები, დაზიანებულია ხიდები, დანგრეულია სახლები. მსგავსი არაფერი მინახავს", - განაცხადა ტომბლინმა.
დასავლეთ ვირჯინიაში ძლიერი წვიმა ხუთშაბათიდან გრძელდება. შტატში საგანგებო მდგომარეობაა გამოცხადებული.