თავისუფალი სტილით მოჭიდავე ელიზბარ ოდიკაძე, რომელიც რიოს ოლიმპიადაზე 97 კგ წონით კატეგორიაში ასპარეზობს, ნახევარფინალში ამერიკელ ფრედერიკ კაილ სნაიდერთან დამარცხდა. ოდიკაძემ ამერიკელ მოჭიდავესთან ანგარიშით 9:4 წააგო და ბრინჯაო მედლისთვის იბრძოლებს.
მანამდე კი ქართველმა მოჭიდავემ მეოთხედფინალში ყახაზეთის წარმომადგენელი მამედ იბრაგიმოვი 6:1 დაამარცხა, მერვედფინალში კი სომხეთის სახელით მოასპარეზე გიორგი კეტოევს 8:1 მოუგო.
ბრინჯაოს მედლისთვის ბრძოლაში თავისუფალი სტილით ქართველი მოჭიდავის მეტოქის ვინაობა რეპეშაჟში გაირკვევა.
ოლიმპიადიდან პირდაპირ ტელერეპორტაჟს საზოგადოებრივი მაუწყებლის "პირველი არხი" წარმოადგენს.