საკრებულოსთან მიმდინარე აქციაზე ინციდენტი მოხდა
საკრებულოსთან მიმდინარე აქციაზე მცირე ინციდენტი მოხდა. აქციის მონაწილეებსა და ორ გამვლელს შორის სიტყვიერ შელაპარაკებას ჰქონდა ადგილი.
ორმა მოქალაქემ აქციის მონაწილეებს მიმართა, თუ რატომ აპროტესტებენ ახლა ხეების მოჭრას და რატომ დუმდნენ მაშინ, როდესაც წინა ხელისუფლების დროს ჰექტრობით ხეები იჭრებოდა.
მათ შორის სიტყვიერი დაპირისპირება საპატრულო პოლიცის ჩარევის შემდეგ დასრულდა. პოლიციის თანამშრომლებმა მოქალაქეები აქციის მონაწილეთა ჯგუფს გაარიდეს.
მოქალაქეებმა, რომლებიც აქციის მონაწილეებს დაუპირისპირდნენ, აღნიშნეს, რომ საკრებულოსთან შეკრებილი ადამიანები, მათ შორის „პარტიზანი მებაღეები“ მარგინალები არიან და ნარმანიას საწინააღმდეგო აქციებს ფულის სანაცვლოდ მართავენ.
საკრებულოსთან, სადაც 16:00 საათზე თბილისის მერი მოხსენებით უნდა წარდგეს, ნარმანიას გადადგომის მოთხოვნით აქცია მიმდინარეობს.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
