ახმეტელი-ვარკეთილის ხაზზე მოძრაობა დროებით შეჩერდა - რამ გამოიწვია შეფერხება

თბილისის მეტროპოლიტენის ახმეტელი-ვარკეთილის ხაზზე გარკვეული დროით მატარებლების მოძრაობა შეჩერებული იყო. როგორც "ინტერპრესნიუსს" "თბილისის სატრანსპორტო კომპანიიდან" აცნობეს, დღეს, 08:55 საათზე, მეტროსადგურში "ნაძალადევი" ერთი მოძრავი შემადგენლობა დაზიანდა, რის გამოც საჭირო გახდა ახმეტელი-ვარკეთილის ხაზზე მატარებლების მოძრაობის შეჩერება.

იხილეთ ვიდეო

კომპანიაში აცხადებენ, რომ "ნაძალადევიდან" დაზიანებული მოძრავი საშუალების გადაყვანა გახდა საჭირო, რის შემდეგაც 09:30 საათზე ახმეტელი-ვარკეთილის ხაზზე მოძრაობა აღდგა.

მომხდარის გამო საბურთალოს ხაზზე მეტროპოლიტენის მუშაობა არ შეჩერებულა.