მკვლევარების მტკიცებით, ასაკოვან მამაკაცებს ასაკოვან ქალებთან შედარებით, სექსის დროს მეტი სიამოვნების მიღება შეუძლიათ. ჟურნალ ”British Medical Journal”-ში გამოქვეყნებული სტატიის ამერიკელი ავტორები ირწმუნებიან, რომ 55 წლის მამაკაცს კიდევ 15 წლის განმავლობაში შეუძლია სექსუალურად აქტიური ცხოვრების იმედი ჰქონდეს, მაშინ, როდესაც ქალს მხოლოდ 10 წლის განმავლობაში ექნება ამგვარი ცხოვრების შესაძლებლობა. ასეთი დასკვნა ამერიკელმა მკვლევარებმა აშშ-ში 6 ათასი ადამიანის გამოკითხვის შემდეგ გააკეთეს.
სექსუალურ ურთიერთობებში მთავარ განმსაზღვრელ ფაქტორად სპეციალისტები ჯანმრთელობას მიიჩნევენ: ჯანმრთელი ასაკოვანი ადამიანიები უფრო მეტად არიან სექსით დაინტერესებულნი, ვიდრე ისინი, ვისაც ჯანმრთელობასთან პრობლემები აქვს. ამის გამო ჯანსაღი ადამიანები უფრო ხშირად ამყარებენ სექსუალურ კონტაქტს პარტნიორებთან - კვირაში ერთხელ, ან უფრო ხშირადაც და როგორც სოციოლოგები ამბობენ, პარტნიორები მათ უფრო გამოცდილ საყვარლებად მიიჩნევენ.
მომზადებულია bbc.co.uk-ის მიხედვით.
