უამინდობა 1 ოქტომბრამდე შენარჩუნდება - უახლოესი დღეების პროგნოზი

გარემოს ეროვნული სააგენტოს ინფორმაციით, 26 - 27 სექტემბერს საქართველოში უმეტესად უნალექო ამინდია მოსალოდნელი. ჰაერის ტემპერატურა +20 +25° იქნება.

როგორც ”ამბები.გე”-ს გარემოს ეროვნული სააგენტოდან აცნობეს, 28 სექტემბრიდან საქართველოში შავი ზღვის ჩრდილო - დასავლეთიდან დაიწყება ცივი და ნოტიო ჰაერის მასების გავრცელება. საქართველოს უმეტეს რაიონებში გაწვიმდება, მაღალმთაში ზოგან მოთოვს, გაძლიერდება დასავლეთის მიმართულების ქარი. უამინდობა შენარჩუნდება 1 ოქტომბრამდე. ჰაერის ტემპერატურა ქვეყნის მასშტაბით +15, +20° - ის ფარგლებში იქნება. 1 – 2 ოქტომბერს თბილი და უნალექო ამინდია მოსალოდნელი.