თბილისის ზოგიერთ ქუჩას დღეს გაზმომარაგება შეეზღუდება. როგორც "ინტერპრესნიუსს" "ყაზტრანსგაზ-თბილისიდან" აცნობეს, ტექნიკური სამუშაოების ჩატარების მიზნით, დღეს, 11:00-დან 17:00 საათამდე გაზმომარაგება შეუწყდება ჩუღურეთის რაიონში, მარუაშვილის ქ. №50-ში და №50ა-ში საცხოვრებელი კორპუსებისა და მიმდებარედ არსებული კერძო სექტორის მოსახლეობის ნაწილს. ასევე, გაითიშება მარუაშვილის ქ.№50-ში მდებარე ტუბერკულიოზისა და ფილტვის დაავადებათა ეროვნული ცენტრი და მიმდებარედ არსებული კომერციული ობიექტები. გაზის მიწოდება ეტაპობრივად სამუშაოების დასრულებისთანავე აღდგება.
"ყაზტრანსგაზ-თბილისი" ბოდიშს უხდის თავის აბონენტებს დისკომფორტისთვის და მოუწოდებს მათ, არ დატოვონ უყურადღებოდ გაზის დანადგარები, ხოლო ონკანები ჰქონდეთ დაკეტილ მდგომარეობაში.