ვაზისუბნის პირველი მიკრო-რაიონის მესამე კორპუსში მომხდარი აფეთქების ადგილზე ექსპერტ-კრიმინალისტები მუშაობენ.
შემთხვევის ადგილზე იმყოფებიან ასევე, "ყაზტრანსგაზის" თანამშრომლებიც. ცხედარი ამ დროისთვის საცხოვრებელი სახლიდან არ გამოუსვენებიათ.
როგორც მეზობლები აცხადებენ, აფეთქება დაახლოებით 14:00 საათზე მოხდა.
მათივე ინფორმაციით, აფეთქების ძლიერი ხმა გაიგეს, ასევე მოესმათ გარდაცვლილის ხმაც, რომელიც შველას ითხოვდა.
მეზობლების განმარტებით, ადგილობრივი მცხოვრებლები შეეცადნენ პირველ სართულზე მდებარე ბინაში შესვლას, სადაც აფეთქება მოხდა, თუმცა კარის შემტვრევა ვერ მოახერხეს.
არსებული ინფორმაციით, აფეთქება ბუნებრივი გაზის გაჟონვის შედეგად მოხდა.
სასწრაფო დახმარების ექიმის თქმით, გარდაცვლილს მძიმე დამწვრობა აქვს.