ვირტუალური ფინანსური მრჩეველი, რომელიც ბიუჯეტს ეფექტურად დაგიგეგმავთ - "სტარტაპ საქართველოს" ერთ-ერთი გამარჯვებული პროექტი

შოთა გიორგობიანის და მისი გუნდის სტარტაპი ერთ-ერთია იმ 20 გამარჯვებულს შორის, რომელიც "სტარტაპ საქართველოს" მაღალტექნოლოგიური ბიზნესიდეების კონკურსის შედეგად გამოვლინდა.

პროექტმა optiol AL მეორე ადგილი დაიკავა და 100 ათასი ლარის მოცულობის დაფინანსება მოიპოვა.

პროექტის მიხედვით, მომხმარებელს შესაძლებლობა ექნება ვირტუალური ფინანსური მრჩეველით ისარგებლოს, რომელიც თქვენს ფინანსებს ეფექტურად გადაანაწილებს და თქვენი ინტერესების შესაბამისად სამომავლოდ თანხებსაც გადადებს.

როგორც გუნდის ერთ-ერთმა ლიდერმა, პროგრამისტმა შოთა გიორგობიანმა "ბიზნესპრესნიუსთან“ საუბრისას განაცხადა, ფინანსური მრჩეველი ხელოვნურ ინტელექტზე იქნება დაფუძნებული.

"პროექტის ძირითადი მიზანია, მომხმარებელს ფინანსების მართვაში ვირტუალური მრჩეველი დაეხმაროს, რათა ფინანსები უფრო ეფექტურად მართოს. მსოფლიოში ბევრია ისეთი სისტემა, რომელიც მომხმარებელს მარტივ ბიუჯეტირებულ ინსტრუმენტს სთავაზობს. ზოგი მათგანი ავტომატურ საბანკო ტრანზაქციების იმპორტს ახდენს, რათა ყოველდღიური ხარჯების და შემოსავლების ხელით აღრიცხვა არ გახდეს საჭირო.

რეალურად, მსგავსი სისტემის გამოყენების შედეგად მომხმარებელი მხოლოდ იმას იღებს, რომ საკუთარი ფინანსების მდგომარეობას ხედავს. შემდეგ კი მომხმარებლის უმეტესობამ არ იცის რა უნდა გააკეთოს, რადგან ფინანსური განათლება არ აქვთ", - აღნიშნა გიორგობიანმა.

გაგრძელება