"ვატიკანი სულიერი აგრესორია" - სვეტიცხოვლის ტაძართან რომის პაპის მისვლას აპროტესტებენ

"ვატიკანი სულიერი აგრესორია", - ამ ლოზუნგით მორწმუნეთა ჯგუფი, სასულიერო პირებთან ერთად სვეტიცხოვლის ტაძრის ერთ-ერთ შესასვლელთან აქციას მართავს. ისინი სვეტიცხოველში რომის პაპის ფრანცისკეს მისვლას აპროტესტებენ.

აქციის მონაწილეთა წინ პოლიციელთა კორდონია.

რამდენიმე წუთის წინ სვეტიცხოვლის ტაძარში უკვე მიბრძანდა საქართველოს კათოლიკოს პატრიარქი ილია მეორე. ტაძარში რომის პაპს 18:00 საათისთვის ელოდებიან. მონასტრის გარშემო ტერიტორიაზე პოლიციელები არიან მობილიზებული და ტაძარში შესვლა სპეციალური საშვებით ხდება.