სრულიად საქართველოს კათოლიკოს პატრიარქმა ილია მეორემ მოსახლეობას არჩევნებში მონაწილეობის მიღებისკენ მოუწოდა. პატრიარქმა თავისი არჩევანი კრწანისის რაიონის ნომერ მე-4 საარჩევნო უბანზე გააკეთა.
უწმინდესი საარჩევნო უბანზე მეუფეებთან ერთად მივიდა.
"მთელ საქართველოს ვულოცავ ამ ღირსშესანიშნავ დღეს. მოვუწოდებ ყველას, მთელ მოსახლეობას, რომ არჩევნებში მონაწილეობა მიიღონ. ღმერთმა დალოცოს საქართველო", - ბრძანა უწმინდესმა.
აღნიშნულ უბანზე სულ რეგისტრირებულია 1364 ამომრჩეველი. არჩევნები მშვიდ ვითარებაში მიმდინარეობს.
საპარლამენტო არჩევნებთან დაკავშირებით ყველა ინფორმაცია იხილეთ ტეგზე #არჩევნები 2016