შსს-სთან ლგბტ თემის წარმომადგენლების უფლებების დასაცავად აქცია იმართება

შსს-სთან ლგბტ თემის წარმომადგენლების უფლებების დასაცავად აქცია იმართება

შინაგან საქმეთა სამინისტროსთან ლგბტ თემის წარმომადგენლები აქციას მართავენ. როგორც აქციის მონაწილეები აცხადებენ, ისინი აპროტესტებენ ტრანსგენდერი ქალის წინააღმდეგ განხორციელებულ აგრესიულ ქმედებებს და სახელმწიფოს მხრიდან მოითხოვენ დროულ და ადეკვატურ რეაგირებას.

როგორც აქციის ერთ-ერთმა მონაწილემ ნინო ბოლქვაძემ "ინტერპრესნიუსს" განუცხადა, საჭიროა გამოძიებამ დაადგინოს, ხომ არ იყო ტრანსგენდერი ქალის წინააღმდეგ განხორციელებული ძალადობის ფაქტი გენდერული იდენტობის საფუძველზე ჩადენილი.

"ერთის მხრივ მოვითხოვთ ჩატარდეს ეფექტური გამოძიება, რაც გულისხმობს დანაშაულის ეტაპზე მოტივის დადგენას. ანუ, თუ დანაშაული ჩადენილია გენდერული იდენტობს საფუძველზე, ამ შემთხვევაში გამოძიების პასუხისმგებლობაა, ის გამოიკვეთოს და შემდგომ სასამართლოს მისცეს შესაძლებლობა, დამნაშავე დაისაჯოს შესაბამისად, როგორც ჩადენილი დანაშაული, დამამძიმებელ გარემოებაში. გარდა ამისა, გვაქვს გამოცდილება, რომ ლგბტ თემის წინააღმდეგ ჩადენილი დანაშულებები რჩება გამოუძიებელი და ეს აქციაც არის ერთგვარი პრევენცია, რათ მოხდეს დროული და ეფექტური გამოძიება", - განაცხადა ნინო ბოლქვაძემ.

აქციის მონაწილეებს შსს-სთან მიტანილი აქვთ პლაკატები, წარწერით: "შეაჩერეთ ტრანსგენდერი ქალების მკვლელობა", "შეაჩერე ტრანსფობია", "რატომ არ დაისაჯა საბი ბერიანის მკვლელი".

შსს-ს მიმდებარე ტერიტორიაზე მობილიზებულია პოლიცია. აქცია მშვიდობიანად მიმდინარეობს.

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია

8-9 ოქტომბერს ძლიერი წვიმა და ქარია, 10-ში კვლავ გამოიდარებს - უახლოესი დღეების ამინდის პროგნოზი