ელექტროენერგეტიკის, ბუნებრივი გაზისა და წყალმომარაგების სექტორებში მომსახურების ხარისხის გაუმჯობესების მიზნით ახალი რეგულაციები ამოქმედდა.
"ბიზნესპრესნიუსის" ინფორმაციით, საქართველოს ენერგეტიკისა და წყალმომარაგების კომისიის მიერ მიღებული წესების შესაბამისად, განისაზღვრა კომპანიების მიერ ცხელ ხაზზე პასუხის გაცემის დრო, გეგმური და არაგეგმური წყვეტების შესახებ მოსახლეობის ინფორმირებისა და ელექტროენერგიის, ბუნებრივი გაზისა და სასმელი წყლის მიწოდების აღდგენის ვადები, მომსახურების ხარისხის სტანდარტების დარღვევის შემთხვევაში მომხმარებელთა სასარგებლოდ გადასახდელი კომპენსაციის ოდენობა.
კომისიის ახალი რეგულაციით - "მომსახურების კომერციული ხარისხის წესებით" გათვალისწინებული სტანდარტების შეუსრულებლობის შემთხვევაში, კომპანიის მიერ მომხმარებელს ფულადი კომპენსაცია სააბონენტო ბარათზე 10 კალენდარული დღის ვადაში დაერიცხება.