"მშობლებმა შვილები ხატით უნდა დალოცონ" - ილია მეორე

"მშობლებმა შვილები ხატით უნდა დალოცონ" - ილია მეორე

სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ ხატის ძალაზე იქადაგა და აღნიშნა, რომ მშობლებმა თავიანთი შვილები ხატით უნდა დალოცონ.

"ერთ-ერთი უდიდესი სასწაული, რომელიც ქმნა უფალმა, ეს არის ხატი, ხატის ძალა. ზოგიერთი ადამიანი, რომელიც არ ეკუთვნის მართლმადიდებელ ეკლესიას, უარყოფს ხატის თაყვანისცემას, მაგრამ მეშვიდე მსოფლიო კრებამ დაადგინა, რომ ხატი არის გამოსახულება იმ პირველი ადამიანისა, რომელიც არის გამოსახული ამ ხატზე. კურთხევის შემდეგ ხატს ეძლევა დიდი ძალა. ჩვენ რომ დავადგინეთ, რომ მშობლებმა უნდა დალოცონ თავიანთი შვილები, ხატით უნდა დალოცონ. ეს ხატი მუდამ მფარველი ძალა იქნება შვილისა", - განაცხადა სრულიად საქართველოს კათოლიკოს-პატრიარქმა საკვირაო ქადაგებისას.

წირვაში, რომელიც პატრიარქმა აღავლინა, მონაწილეობა მიიღო ლიტვის მთავარეპისკოპოსმა ინოკენტიმ. პატრიარქმა დიდი სიხარული გამოთქვა, ლიტვის მთავარეპისკოპოსის სტუმრობასთან დაკავშირებით და მას მაცხოვრის ხატი უსახსოვრა.

ლიტვის მთავარეპისკოპოსმა, თავის მხრივ, საქართველოს ეკლესიას სამი წამებულის - ანტონიას, ანას და ესტაფიას ხატი უსახსოვრა. მან მადლობა გადაუხადა საქართველოს კათოლიკოს-პატრიარქს სტუმართმოყვარეობისა და იმ ძმობისთვის, რომელსაც მართლმადიდებლებს შორის უწყობს ხელს.

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია

8-9 ოქტომბერს ძლიერი წვიმა და ქარია, 10-ში კვლავ გამოიდარებს - უახლოესი დღეების ამინდის პროგნოზი