საქართველოში ხვალიდან გამოიდარებს. როგორც გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსმა სვეტლანა ნიორაძემ განაცხადა, დღეს თბილისში მოსალოდნელია თოვლ-ჭყაპი, ჰაერის ტემპერატურა კი +4°C იქნება. ნალექი, ზოგან თოვლის, ზოგან თოვლ-ჭყაპის სახით დღის განმავლობაში მთელ საქართველოში შენარჩუნდება.
ხვალიდან როგორც დასავლეთ, ისე აღმოსავლეთ საქართველოში შედარებით გამოიდარებს, ჰაერის ტემპერატურა +10°C-მდე აიწევს. 29 ოქტომბრიდან კი კვლავ მოსალოდნელია ნალექიანი ამინდი.