"გაზის ტრანსპორტირების კომპანია" გლდანის მიმართულებით ოდორანტის ტრანსპორტირების შესახებ ინფორმაციას ავრცელებს.
როგორც "ინტერპრესნიუსს" "საქართველოს გაზის ტრანსპორტირების კომპანიიდან" აცნობეს, "საქართველოს გაზის ტრანსპორტირების კომპანიის" მიერ ხვალ განხორციელდება ოდორანტის ტრანსპორტირება ქალაქ თბილისში ახლად აშენებული გაზგამანაწილებელი სადგურის "გლდანი 2"-ის მიმართულებით.
"აღნიშნული ქმედება აუცილებელია ბუნებრივი გაზის ოდორიზების უწყვეტი პროცესიდან გამომდინარე. ოდორანტის ტრანსპორტირების პროცესში, შესაძლოა დაფიქსირდეს აღნიშნული ნივთიერების მცირე სუნი, რაც ადამიანის ჯანმრთელობისთვის საფრთხეს არ წარმოადგენს. შესაძლო დისკომფორტის გამო, შპს "საქართველოს გაზის ტრანსპორტირების კომპანია" მოსახლეობას ბოდიშს უხდის", - ნათქვამია განცხადებაში.