სად გაიმართება გალა-კონცერტი და სხვა საახალწლო ღონისძიებები თბილისში

სად გაიმართება გალა-კონცერტი და სხვა საახალწლო ღონისძიებები თბილისში

ახალი წლის ღონისძიებების ფარგლებში დედაქალაქის ქუჩები არ გადაიკეტება, - ამის შესახებ დედაქალაქის მერმა დავით ნარმანიამ დღეს, მერიაში მთავრობის სხდომაზე განაცხადა.

მისი თქმით, ახალი წლის მოახლოებასთან დაკავშირებით აქტიურ ფაზაშია გადასული მოსამზადებელი სამუშაოები.

"გასულ წელს ახალი განათებებით მოირთო რუსთაველის გამზირი, მელიქიშვილის და ჭავჭავაძის გამზირები. წელსაც გვექნება ამ თვალსაზრისით სიახლეები და დამატებითი ახალი საახალწლო ილუმინაციებით მოირთვება აეროპორტის გზა და აღმაშენებლის გამზირი. მათ შორის განახლებული აღმაშენებელი, ასევე პეკინის ქუჩაზე მოხდება მოძველებული განათებების განახლება", - განაცხადა დავით ნარმანიამ.

მისი თქმით, ძირითადი საახალწლო ღონისძიებები დედაენის ბაღში გაიმართება.

"წელს ჩვენ განსხვავებულად დავგეგმეთ ახალი წლის ღონისძიებების ლოკაციები, შესაბამისად, ახალი წლის ღონისძიებების ფარგლებში არ გადაიკეტება დედაქალაქის ქუჩები. ძირითადი საახალწლო ღონისძიებები დედაენის ბაღში გაიმართება. დედაენის ბაღი, როგორც საახალწლო ქალაქი ისე მოეწყობა და შესაბამისად, 25 დეკემბრიდან დაიწყება იქ ძირითადი საახალწლო ღონისძიებები როგორც კულტურული, ასევე გასართობი ფორმატის", - განაცხადა დავით ნარმანიამ.

მისი თქმით, წელს ძალიან ლამაზად მოირთვება განახლებული აღმაშენებლის გამზირი.

როგორც დავით ნარმანიამ აღნიშნა, 31 დეკემბერს რესპუბლიკის მოედანზე გალა-კონცერტი ჩატარდება.

"ერთხელ უკვე მოვკალით ილია ჭავჭავაძე და ნუღა ვკლავთ მეორე ილიას", - დეკანოზი შალვა კეკელია

"შიომღვიმეში არ მივდივარ, სავარაუდოდ, წავალ თბილისში," - მეუფე პეტრე ჭყონდიდის ეპარქიას ტოვებს

"ივლისიდან დღემდე 17-მა ახალგაზრდამ მოიკლა თავი, მათგან ყველაზე უფროსი 31 წლისაა" - აზარტული თამაშების წინააღმდეგ აქცია მიმდინარეობს