ხვალ, შავი ზღვის სანაპიროზე 4-5 ბალამდე შტორმია მოსალოდნელი. გარემოს ეროვნულ სააგენტოს ჰიდრომეტეოროლოგიური სამსახურის ინფორმაციით, შტორმული სიტუაცია რამდენიმე დღის განმავლობაში შენარჩუნდება.
აჭარის მაღალმთიანეთში კი მოსალოდნელია თოვა და ქარბუქი. ტემპერატურა მნიშვნელოვნად დაიკლებს.
"26 იანვარს შავი ზღვის სანაპიროზე 4-5 ბალამდე შტორმი დაფიქსირდება. 27 იანვრიდან აჭარაში როგორც სანაპირო ზოლში, ასევე მთიან რაიონებში მოსალოდნელია თოვლი და ქარბუქი. გაძლიერდება დასავლეთის მიმართულების ქარი 17-22 მეტრ წამამდე და ტემპერატურა მნიშვნელოვნად დაიკლებს", - განაცხადეს გარემოს ეროვნული სააგენტოში.