ავტოსაგზაო შემთხვევას შეწირული კიდევ ერთი ახალგაზრდა - ირაკლი ხუციშვილი 2 თვიანი მკურნალობის შემდეგ გარდაიცვალა

23 წლის ირაკლი ხუციშვილი, რომელმაც ავტოსაგზაო შემთხვევის შედეგად თავის უმძიმესი დაზიანებები მიიღო, გარდაიცვალა. ინფორმაციას ფონდი "სიკეთის კვალი" ავრცელებს.

"რა დავწეროთ , როგორ გამოვხატოთ ეს ტკივილი და დარდი, კიდევ ერთი სიცოცხლე გაგვიფრინდა , სხვისი შეცდომის და დაუდევრობის გამო ,ამდენი ავარია ,ამდენი ახალგაზრდის სიკვდილი , კმარა რამე ვიღონოთ ხალხო გთხოვთ ....უფალო შენ მიხედე ირაკლის და დაუმკვიდრე მის სულ ცათა სასუფეველი . ვიზიარებთ ოჯახის დარდს და ვუსამძიმრებთ ამ დიდ ტკივილს", - ნათვამია ფონდის მიერ გავრცელებულ ინფორმაციაში.

3 დეკემბერს, თბილისის ზღვის მიმდებარე ტერიტორიაზე ირაკლი ხუციშვილს ავტომობილი დაეჯახა. 23 წლის ახალგაზრდა მეგობრებთან ერთად იყო, ერთ-ერთი მათგანის გაფუჭებული მანქანის "ბუქსირზე" ჩაბმას ცდილობდნენ, რა დროსაც დიდი სისწრაფით მოძრავმა ავტომობილმა დაარტყა და გზის სავალი ნაწილიდან გადააგდო. დამნაშავე მძღოლს სვლა არც შეუნელებია, ადგილიდან მიიმალა და მომაკვდავი ახალგაზრდა მიატოვა...