აჭარაში რამდენიმე დღეა გადაუღებლად თოვს. თოვლის საფარი ზღვისპირას 30-დან 45 სანტიმეტრამდე აღწევს. ზღვისპირეთში თოვლი რამდენადაც დისკომფორტის შემქმნელი (მძიმე ტექნიკა გაწმენდით სამუშაოებს მთელი ღამის განმავლობაში ახორციელებდა. მოქალაქეებს მოუწოდებენ, მოცურების საწინააღმდეგო ჯაჭვები გამოიყენონ), იმდენად სანახაობრივია - გადათეთრებული ბულვარი, ბათუმის ცნობილი ხედები და შავი ზღვის თეთრი სანაპირო... ღამის ბათუმს თოვლი განსაკუთრებულ მისტიკურობას სძენს, რაც ამ ფოტოებიდანაც კარგად ჩანს.
დათოვლილი ბათუმის ულამაზეს ფოტოებს ფეისბუქის გვერდი ბათუმი / Batumi ავრცელებს
(ფოტოები: მაია გავრილუკი, თემო ხასია, სერგო სანიკიძე, ზვიად ელიზიანი)