ექსპერტ-კრიმინალისტი - "ბავშვთა სამყაროს" შენობაში ცოცხალი არსების შესვლა არ შეიძლება

შენობაში ცოცხალი არსების შესვლა არ შეიძლება, - ამის შესახებ "ბავშვთა სამყაროსთან" ლევან სამხარაულის სახელობის ექსპერტ-კრიმინალისტმა ჟურნალისტებთან საუბრისას განაცხადა.

როგორც მან აღნიშნა, არსებობს შენობის ჩამოშლის რეალური საფრთხე, აქედან გამომდინარე, იქ მოვაჭრეების შესვლა, რათა მათ საკუთარი ნივთები აიღონ, არ შეიძლება.

ექსპერტების აღნიშნულ დასკვნას უკმაყოფილებით შეხვდნენ "ბავშვთა სამყაროში" ძვირფასი ნივთებით მოვაჭრე მოქალაქეები. ისინი მოითხოვენ, რომ შენობაში მათი ეტაპობრივი შეშვება მოხდეს, რათა კუთვნილი ნივთები აიღონ.

ადგილზე მობილიზებულია თბილიის მერიის უსაფრთხოების სამსახური, ასევე პოლიციის თანამშრომლები.