როგორია პატრიარქის მდგომარეობა ოპერაციამდე - მიტროპოლიტი დიმიტრი უახლესი ინფორმაციით

როგორია პატრიარქის მდგომარეობა ოპერაციამდე - მიტროპოლიტი დიმიტრი უახლესი ინფორმაციით

სრულიად საქართველოს კათოლიკოს პატრიარქის ჯანმრთელობის მდგომარეობა დამაკმაყოფილებელია და მას ოპერაციას ბერლინში დღეს გაუკეთებენ. ამის შესახებ "რუსთავი 2"-თან საუბარში მიტროპოლიტმა დიმიტრიმ განაცხადა.

მისივე თქმით, "ოპერაციის წინა მონაცემები საიმედოა და ექიმები კარგ შედეგებს პროგნოზირებენ".

"08:00 საათზე დაიწყება ოპერაცია (თბილისის დროით 11:00 საათი) მონაცემები საიმედოა, რამეთუ ჩაუტარდა გამოკვლევები და ექიმები გვაიმედებენ, რომ ყველაფერი კარგად დამთავრდება. კონტაქტზე გამოდის და ჩვეულებრივად გვაქვს პატრიარქთან ურთიერთობა ", - განაცხადა მიტროპოლიტმა დიმიტრიმ.

რაც შეეხება მამა გიორგი მამალაძის დაკავებას, როგორც მიტროპოლიტმა აღნიშნა, ამასთან დაკავშირებით მღვდელმთავრები ინფორმირებულები არიან და ისინი "ყველანაირ ნდობას უცხადებენ გამოძიებას".

ბერლინში ასევე იმყოფებიან ქართველი ექიმებიც, რომლებსაც ოპერაციის წარმატებულად ჩატარების იმედი აქვთ.

"პატრიარქს ჰქონდა გარკვეული პრობლემები გულ-სისხლძარღვთა სისტემის მხრივ. ამიტომ ჩატარდა კარდიოლოგიური პროფილის კვლევები. შედეგები დამაკმაყოფილებელია. პროგნოზის გაკეთება ცოტა რთულია, მაგრამ ვიმედოვნებთ, ყველაფერი კარგად იქნება, რადგან ყველა გამოკვლევამ კარგი შედეგი გვაჩვენა", - განაცხადა კარდიოლოგმა შალვა პეტრიაშვილმა.

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია

8-9 ოქტომბერს ძლიერი წვიმა და ქარია, 10-ში კვლავ გამოიდარებს - უახლოესი დღეების ამინდის პროგნოზი