"ყველა სასიცოცხლო პარამეტრი ნორმის ფარგლებშია" - ბოლო ინფორმაცია გერმანიიდან, პატრიარქის ჯანმრთელობის მდგომარეობაზე

პატრიარქის ოპერაციის შემდგომი მდგომარეობა ნორმალურია, ყველა სასიცოცხლო პარამეტრი არის ნორმის ფარგლებში, კონტაქტურია, საუბრობს და ველოდებით, რომ კიდევ უფრო უკეთ იქნება. ამჟამად ინტენსიური დაკვირვების ქვეშ იმყოფება და ხვალ უკვე გადავა ჩვეულებრივი რეჟიმის პალატაში, - ამის შესახებ ტელეკომპანია "პალიტრანიუსის" გადაცემა "360 გრადუსის" ეთერში კათალიკოს-პატრიარქის პირადმა ექიმმა შალვა პეტრიაშვილმა ბერლინიდან პირდაპირი სატელეფონო ჩართვისას განაცხადა.

კითხვაზე, რამდენი ხანი დასჭირდება პატრიარქის რეაბილიტაციას და სამშობლოში დაბრუნებას, ექიმმა განაცხადა, რომ ნავარაუდევია რამდენიმე დღე. თუმცა, მისივე თქმით, დაზუსტებით ამის თქმა ხვალ ან ზეგ იქნება შესაძლებელი.