აეროპორტში პატრიარქის ჩამოსვლას მრევლი ელოდება

თბილისის საერთაშორისო აეროპორტში სრულიად საქართველოს კათოლიკოს-პატრიარქის, უწმინდესისა და უნეტარესის, ილია მეორეს დასახვედრად სასულიერო პირები და მართლმადიდებელი ეკლესიის მრევლი იკრიბება. ისინი იმედოვნებენ, რომ პატრიარქის ნახვის შესაძლებლობა ექნებათ.

მათივე განცხადებით, ბოლო დროს საპატრიარქოს ირგვლივ განვითარებულ მოვლენებს სწორედ უწმინდესი დაალაგებს. ადგილზე ასევე იმყოფებიან სახელმწიფო დაცვის სპეციალური სამსახურის წარმომადგენლები, რომლებიც ადგილზე უსაფრთხოებას იცავენ. ასევე, ჯებირებით შემოსაზღვრულია ადგილი, სადაც მრევლია შეკრებილი.

საქართველოს კათოლიკოს-პატრიარქს ბერლინში ოპერაცია ჩაუტარდა. ექიმების განცხადებით, პატრიარქის მდგომარეობა სტაბილურია.