პატრიარქის რეაბილიტაციის პერიოდი დასრულებულია, - ამის შესახებ ჟურნალისტებს საპატრიარქოსთან პატრიარქის პირადმა ექიმმა, ცისანა შარტავამ განუცხადა. მისივე თქმით, პატრიარქი კარგადაა და არანაირი დამატებითი მკურნალობა არ სჭირდება.
"რეაბილიტაციის ძირითადი პერიოდი დამთავრებულია. პატრიარქი ჩამოვიდა კარგ მდგომარეობაში. მას არანაირი დამატებითი მკურნალობა, დამატებითი პროცედურები არ სჭირდება. უბრალოდ გარკვეული დრო არის საჭირო, რომ ორგანიზმმა ბოლომდე აღიდგინოს თავისი მდგომარეობა. ყველას გილოცავთ, რომ უწმინდესი ასე კარგად გვყავს", - განაცხადა ცისანა შარტავამ.