კვირის ყველაზე კითხვადი სტატიები
თვის ყველაზე კითხვადი სტატიები
15:03 / 24-02-2017
მენინგოკოკცემია - სიმპტომები, მკურნალობა და რეკომენდაციები დაავადებათა კონტროლის ეროვნული ცენტრისგან
მენინგიტი, მენინგოკური ინფექცია, მენინგოკოკცემია - ინფექციები, რომლებიც ერთობ საშიშია, თუმცა მასზე საზოგადოება ნაკლებ ინფორმირებულია. ეს ინფექციური დაავადებები საქართველოში საბედნიეროდ, ხშირად არ ვლინდება, თუმცა აუცილებელია დროული ყურადღება, რათა შემთხვევა ლეტალურად არ დასრულდეს.

საქართველოში, ყოველწლიურად მენინგოკოკცემიის 20-მდე შემთხვევა რეგისტრირდება. მაღალია მენინგოკოკცემიით გამოწვეული ლეტალობა (10-20%), განსაკუთრებით, მენინგოკოკცემიის ელვისებური ფორმების დროს. მენინგოკოკცემიით უპირატესად ავადდებიან ბავშვები, 5 წლამდე ასაკის ბავშვები ავადმყოფთა 70%-ს შეადგენენ. შემთხვევათა მატება იწყება შემოდგომაზე და პიკს აღწევს გაზაფხულზე.

მენინგოკოკით გამოწვეული დაავადებების სიმპტომებზე, განვითარებასა და მისგან თავდაცვის გზებზე
გვესაუბრება დაავადებათა კონტროლის ეროვნული ცენტრის სამეცნიერო ხელმძღვანელი პაატა იმნაძე.

- მენინგოკოკი არის მიკრობი, რომელიც იწვევს მენინგიტსაც და მენინგოკოკცემიასაც, რომელიც ყველაზე მძიმე ფორმაა, სისხლით მოწამვლა, ოღონდ მენინგოკოკით გამოწვეული და ის აზიანებს ბევრ ორგანოს.

- როგორია ამ დაავადების სიპტომები?
- შეიძლება ადამიანს არაფერი სჭირდეს, უბრალოდ, ჰქონდეს მაღალი ტემპერატურა და ძლიერი თავის ტკივილი და შეიძლება რამდენიმე საათში ისე დამძიმდეს, რომ გადარჩენა ვეღარ შეძლოს, ამიტომ მენინგოკოკცემის ერთადერთი თავდაცვა არის ის, რომ თუ აქვს მაღალი ტემპერატურა და თავის ტკივილი, ბავშვს განსაკუთრებით, დედამ აუცილებლად უნდა დაათვალიეროს სხეული და ერთი ცალი პატარა ვარსკვლავისებური სისხლჩაქცევაც რომ ნახოს, დაუყოვნებლივ უნდა მიმართოს ექიმს.

მენინგოკოკურ ინფექციას მტარებლობა ახასიათებს, ეს ნიშნავს, დღეს თბილისში რომ გამოიკვლიოთ მოსახლეობა, 1% იქნება ამ დაავადების მტარებელი, ოღონდ მათ არაფერი არ ჭირთ, ჯანმრთელები არიან, ორი კვირა ერთი ადამიანი იქნება მტარებელი, ორი კვირა სხვა და ასე რომ ჩამოივლის ყველას, ვიღაცას ამოარჩევს, რომელსაც დაემართება მენინგოკოკცემია. ამ დაავადების თვისება ის არის, რომ ვერ გავიგებთ, შეიძლება ისე უცებ დაგვემართოს.

- როგორ ვრცელდება?
- ვრცელდება წვეთოვანი გზით, ანუ მე რომ დავახველებ, დავაცემინებ, თუ წვეთი მოხვდება თქვენს ლორწოვან გარსზე. ეს მიკრობი ძალიან სუსტია და გარემოში მალე კვდება. ეს არის წვეთოვანი და არა ჰაეროვანი დაავადება. მაგრამ ვისგანაც შეიძლება გადმოგვედოს, ის ადამიანი ავადმყოფი არ არის, უბრალოდ მტარებელია. ადამიანი არ არსებობს, ვისაც მენინგოკოკი არ შეიძლება არ ჰქონდეს ცხვირ-ხახაში, ეს ნიშნავს რომ 1000 ადამიანიდან 999-ს არაფერი მოუვა.

- ვაქცინა თუ არსებობს?
- ვაქცინაცია სავალდებულო აცრებში არ შედის. დიდი ხანია არსებობს ოთხკომპონენტიანი ვაქცინა, მასში შედის C ტიპის მენინგოკოკის ვაქცინაც, რომელიც ჩვენთან გვხვდება. 2015 წლიდან ევროპაში რეგისტრირებულია B ტიპის ვაქცინაც, რომელიც ასევე ცირკულირებს ჩვენთან.

- როგორია სტატისტიკა საქართველოში?
- წელიწადში საშუალოდ, მენინგოკოკცემიის 10-15 შემთხვევა ფიქსირდება. 90% არის 4 წლამდე ბავშვები. მახსოვს, 60 წლის კაცს ჰქონდა, მაგრამ უმეტესობა პატარა ასაკის ბავშვებია. 2016 წელს მენინგოკოკცემიის 8 შემთხვევა დაფიქსირდა, აქედან ერთი იყო მოზრდილი, დანარჩენი ბავშვები. სამწუხაროდ, 2 გარდაიცვალა.

2015 წელს მენინგოკოკცემიის 19 შემთხვევა გვქონდა, აქედან 1 იყო გარდაცვალება. ლეტალური შედეგი ძირითადად დაგვიანებული შემთხვევებია ხოლმე.

- ამ მხრივ სხვა ქვეყნებში როგორი მდგომარეობაა?
- დასავლეთ ევროპაში, ბრიტანეთში ავადობა უფრო მაღალია, აღმოსავლეთ ევროპაში უფრო დაბალი, ჩვენთან კიდევ უფრო დაბალია. ყველაზე მაღალია აფრიკაში, მენინგიტების სარტყელი ქვია, სადაც არის ყველაზე მაღალი ავადობა - სუბსაჰარის აფრიკა.

- დაავადების პრევენცია შესაძლებელია?
- მთავარია ექიმთან დროული მიმართვა. ბავშვს მაღალი ტემპერატურის და თავის ტკივილის ფონზე, კანზე ერთი პატარა სისხლჩაქცევაც თუ გაუჩნდა, დაუყოვნებლივ უნდა მივმართოთ ექიმს. ხშირად საათებს და წუთებსაც კი გადამწყვეტი მნიშვნელობა აქვს. ანამნეზური მონაცემებისა და გასინჯვის საფუძველზე, ექიმი იღებს გადაწყვეტილებას პაციენტის შესაბამის სტაციონარში მოთავსებისა და ადექვატური მკურნალობის დანიშვნის შესახებ.

თეა ბეჟიტაშვილი
AMBEBI.GE
18:46 / 28-02-2017
nana
0
აუდუღებელ რძეში და მისაგან გაკეთებულ პროდუქტებში (ყველში) ხშირად არის მენინგოკოკის მიკრობი. საფრანგეთში ტრადიციულად ასეთ პროდუქტებს მიირთმევენ. გერმანიაში აუდუღებელი რძისაგან გაკეთებული პროდუქტების გაყიდვა აკრძალულია.
გამოეხმაურე / 0 /
12:16 / 27-02-2017
მანჩო
0
მე 8 წლის წინ დამემართა მენინგიტი, ყურის ტკივილმა გამოიწვია და ძალიან სავალალო მდგომარეობაში აღმოვჩნდი,კომაში ვიყავი და სასიცოცხლო ოპერაცია ჩამიტარდა ყურის. მე გადამარჩინეს, რასაც ვუმადლი ჩემს ექიმებს ირინა ექიმს ინფექციურ საავადმყოფოში და ქირურგ გიორგი ექიმს. მე, რომ დღეს ცოცხალი ვარ მათი წყალობით ვარ. გთხოვთ დროულად მიმართეთ ინფექციურ საავადმყოფოს, მენინგიტის დროს. გისურვებთ ჯანმრთელობას.
გამოეხმაურე / 1 /
13:58 / 07-06-2017
ნათელა
0
ინფექციურში ვერაფერიც ვერ გაუგეს ბავშვი სახლში გამოუშვეს ვირუსიაო მაგრამ მეორე რეს მშობლების ყურადღებარომ არა ბავშვი იაშვილში წაიყვანეს და იქ დაუსვეს დიაგნოზი ღმერთის დაექიმების ჭყალობით ბავშვი კარგად არის
მსგავსი სიახლეები
რა სიმპტომებს უნდა მიაქციოთ ყურადღება
ეს მილიონობით ბავშვს იცავს სიკვდილის, დამბლის, სიბრმავის, გონებრივი ჩამორჩენილობისა და ჯანმრთელობის მდგომარეობის სხვა გართულებებისგან
რეკომენდებულია ფანჯრებსა და კარებებზე მწერებისგან დამცავი ბადეების გამოყენება
სეირნობის შემდეგ, ბავშვი მშობლებმა, თუ ბებია-ბაბუებმა უნდა დაათვალიერონ, ხომ არ აქვს ტკიპა ტანზე
"ნუ დაელოდებით წყურვილის გრძნობას, ისე დალიეთ წყალი, ორი ლიტრა მაინც დღის განმავლობაში
გადამტანებით გადაცემადი დაავადებების სეზონი იწყება
ამ კატეგორიის სხვა სიახლეები
20:44 / 18-01-2018  Image თემქაზე მშენებარე ობიექტიდან 26 წლის ბიჭი გადმოვარდა და გარდაიცვალა
მამაკაცი მშენებლობის მესამე სართულიდან გადმოვარდა
15:05 / 18-01-2018  Image კალაძე "ფეისბუქ-ლაივში" 95-ე ბაღის სამზარეულოდან ჩაერთო: "მშობლებო, თქვენი შვილები იკვებებიან ჯანსაღი პროდუქტით"
ინტერნეტმომხმარებელს აჩვენა როგორ მიდის სასადილოში საჭმლის კეთების პროცესი
19:40 / 18-01-2018  Image "მამამისი მის თვალწინ მოკლეს" - მოსკოვში დაკავებული ქართველი "კანონიერი ქურდის", "კვეჟოვიჩის" წარსული და ვენდეტა მამის მკვლელობის გამო
გურამ ჩიხლაძე 10 წლის იყო, მისი მამა ავთანდილ ჩიხლაძე ("კვეჟო") გავლენიანი "კანონიერი ქურდი" გახლდათ
17:52 / 18-01-2018  Image ბათუმში გაუჩინარებული 23 წლის გოგო იპოვეს
23 წლის გოგოს ორი დღეა სამართალდამცავები ეძებდნენ
13:06 / 18-01-2018  Image წვიმა, თოვლი, ქარბუქი.. - საქართველოში ამინდი მკვეთრად გაუარესდება
ზღვაზე 4-6 ბალიანი შტორმი

პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49