კვირის ყველაზე კითხვადი სტატიები
თვის ყველაზე კითხვადი სტატიები
11:25 / 13-03-2017
გაიცანით, აჭარელი უხუცესები - 100 წელს გადაცილებული სამი ქალის მოგონებები წინა საუკუნიდან...
აჭარაში 100 წელს გადაცილებული 26 ქალი ცხოვრობს, კიდევ რვას კი 100 წელი მიმდინარე წელს შეუსრულდება. 8 მარტთან დაკავშირებით, აჭარის ჯანდაცვის სამინისტრომ და "დემოკრატიის ინსტიტუტმა" ინტერნეტსაზოგადოებას 17 უხუცესი აჭარელი ქალი გააცნეს. უხუცესთა ფოტოები ფოტოგრაფმა მარია ზოიძემ გადაიღო. ფოტოპროექტ - "100 წლის შემდეგ" ფარგლებში გადაღებულმა პორტრეტებმა ათასობით მოწონება და კომენტარი დააგროვა "ფეისბუქზე".

AMBEBI.GE დაინტერესდა, როგორ ცხოვრობენ 100 წელს გადაცილებული ქალბატონები, რას იხსენებენ წინა საუკუნიდან და როგორია მათი თვალით დანახული "ტექნოლოგიების სამყარო" - 112 წლის ფიქრიე ირემაძე, 103 წლის ზექიე დავითაძე და 100 წლის თინა თაფლაძე, რომლებიც დღეს ჩვენი რესპონდენტები არიან, ბადიშის ბადიშებს ანუ შვილთაშვილის შვილებს, ანუ მეოთხე თაობას მოესწრნენ.


1905 წელს დაბადებულ ფიქრიე ირემაძეს 10 ბადიში (მეოთხე თაობა) ჰყავს
"29 წლის დავოჯახდი, რაც იმ დროს "გვიან ქორწინებად" ითვლებოდა. 112 წლის ვარ, მყავს 3 შვილი, 16 შვილიშვილი, შვილთა შვილები ძალიან ბევრნი არიან და ვეღარ ვითვლი, მაგრამ 10 ბადიში რომ იზრდება ამით ვამაყობ.

კოლექტივმა არ იცოდა არც პატარა ბავშვი და არც ავადმყოფობა. 9 საათზე ზარი რომ დაირეკებოდა, უკვე ადგილზე უნდა ვყოფილიყავით. მთელი დღე ხომ გვამუშავებდნენ, საღამოს გაგვჩხრეკდნენ - ჯიბით ერთი ცალი კარტოფილი რომ არ "გაგვყოლოდა". ზუსტი წელი არ მახსოვს, მაგრამ ომამდე პერიოდი იყო, რაიონში გზები გაიყვანეს და სოფელში გავარდა ხმა, მანქანა ამოვაო. არ ვიცოდით რა იყო მანქანა, ტელევიზორი არ იყო და ფოტოებზე არ გვქონდა ნანახი. წარმოდგენა შეგვექმნა, რომ რაღაც ცხოველის მაგვარი მოდიოდა. მთელი სოფელი შეიკრიბა ცენტრში, ველოდებოდით სულმოუთქმელად. როგორც იქნა, მოსახვევში გამოჩნდა დიდთვალებიანი "ცხოველი", რომელიც ხმაურობდა და მოექანებოდა ჩვენსკენ, შეგვეშინდა და მიმოვიფანტეთ, შენობებს ამოვეფარეთ და რამდენიმე წუთი შორიდან ვუთვალთვალებდით თუ რას გააკეთებდა "ეს ცხოველი". მერე ნელ-ნელა მივუახლოვდით, ხელიც შევახეთ და გავისეირნეთ კიდეც.

ომამდე პერიოდი იყო, თქვეს პომიდორი შემოვიდაო, რომელიც იჭმევა და გემრიელიაო. სოფელ ირემაძეებში ვცხოვრობ, ჩემმა ქმარმა პირველმა ამოიტანა ყვავილის მსგავსი ნერგი. ეს ნერგი გაიზარდა და მოისხა პომიდვრები, კარგა ხანს ეჭვის თვალით ვუყურებდით, მერე გავსინჯეთ და მოგვეწონა. ბავშვობიდან ქალამნები მეცვა, მერე "კალოში" შემოვიდა, ისეთი კომფორტული და კარგი იყო, თან რთულად რომ იშოვებოდა, ვინახავდით და მხოლოდ სტუმრად წასვლის დროს ვიცვამდით. ახლა დაყრილია ნაირნაირი ფეხსაცმელი. ახლა ყველაფერი არის, ფულია საჭირო, მაგრამ ახლა სამსახურის შოვნაა ძნელი."


101 წლის თინა თაფლაძე სათვალის გარეშე ქსოვს
"7 შვილი გავზარდე, 6 გოგოს შემდეგ ბიჭის შეძენამ მთელი გვარი გააბედნიერა. 24 შვილიშვილი მყავს, 26 შვილთაშვილი და ოთხიც ბადიში (მეოთხე თაობა). 19 წლისა გავთხოვდი, სამი შვილი რომ გამიჩნდა, მერე ჩავაბარებინე ქმარს სასწავლებელში, პარტიული მუშაკი გახდა, ერთმანეთს მხარს ვუბამდით და გაგვქონდა უღელი. სამწუხაროდ, აგერ უკვე 40 წელია, ქმარი გარდამეცვალა.

ადრე გაჭირვება იყო, ფული რომც გქონოდა, ტანსაცმელს ვერ ნახავდი რომ გეყიდა. საღამოს ვრეცხავდი ბავშვის ტანსაცმელს, ვფენდი ღუმელთან, რომ დილამდე გამშრალიყო და გაღვიძებული ბავშვისთვის ჩამეცმია. ეს ტანსაცმელი გადადიოდა ბავშვიდან ბავშვზე - სანამ ბოლომდე არ გაიცრიცებოდა,
You must have Flash Player installed in order to see this player.
მანამდე ვაცმევდით, არ იყო სხვა და რა გვექნა?! ახლა ერთ ბავშვს იმდენი ტანსაცმელი აქვს, ამით ძველ დროს 20 ბავშვს გაზრდიდი.

დაბა ხულოში ვცხოვრობ. ერთი საუკუნის ვარ და რომ დავიწუწუნო ფეხი მტკივა-მეთქი, მგონი არ იქნება სირცხვილი. სიარული ცოტა მიჭირს, მაგრამ მხედველობა მაქვს ძალიან კარგი. დილით ვდგები, ვჭამ, ფანჯარასთან ვჯდები და ვიწყებ ქსოვას. იმდენი შვილიშვილი, შვილთაშვილი და კიდევ ოთხი ბადიში მყავს, რომ მოსაწყენად არ მცალია, ვქსოვ ფერად-ფერად წინდებს და ვჩუქნი მათ..."


103 წლის ზექიე დავითაძეს მზითვის გუგუმით (სპილენძის წყლის ჭურჭელი) ყოველ დილით მოაქვს წყალი...
"2 შვილი, 16 შვილიშვილი, 4 შვილთაშვილი და 1 შვილთაშვილის შვილი მყავს. ბადიშის ბადიშს მოვესწარი და ძალიან გახარებული ვარ. შუახევში, სოფელ ნაღვარევში ვცხოვრობ.

წინა საუკუნე არ იყო კარგი საუკუნე, სიფუხრე (სიღარიბე) იყო - შაქარი, პურის ფქვილი არ იშოვებოდა, საცოდავად ვცხოვრობდით. ფულიც არ გვქონდა, ჩვენს ნაშრომს კომუნისტები ჭამდნენ. ახლა პენსია გვაქვს, 21-ე საუკუნე კარგია, ხალხში მეტი შეგნებაა, სიყვარულით გათხოვებაა, სიზენგილეა (სიმდიდრე), კომპიუტერია, შუქი სულ არის...

16 წლის მომიტაცეს... ლამაზი არ ვიყავი, მაგრამ მოვეწონე იმ კაცს და პატარა ბავშვი გამიტაცა. არ გავჩერდი, უკან წამოვედი და მერე სხვას გავყევი. ვერ ვიტყვი, რომ კმაყოფილი ვარ ახალგაზრდობის წლებით, მეუღლეც დიდი ხანია გარდაცვლილია. ჩემი მზითვიდან ფახირის გუგუმი (სპილენძის წყლის ჭურჭელი) დამრჩა, ყოველ დილით, წყალი შემომაქვს სახლში. ასე გადის ცხოვრება, პატარების ფერებაში..."

ფოტო: მარია ზოიძე (იხილეთ ფოტოპროექტის ყველა ფოტო ამ ბმულზე)

ნინო ხოზრევანიძე
AMBEBI.GE

09:38 / 16-03-2017
nana
0
გეკითხათ და დაგავრიგებდნენ, როგორ ცხოვრობდნენ, რას ჭამდნენ რას სვამდნენ, დღეგრძელობისათვის....
16:52 / 15-03-2017
asea es!!!
0
შვენცა ვართ ბადიშიანი ოჯახი იმერეთიდაან, მაგრამ სამწუხაროდ დიდი დიდიი ბებო გარდაგვეცვალა ახლახან 96 წლის ასაკშიი ბადიშების დიდი ბებო. ( ძალიან დამწყვიტა გული ბებომ მე შვილიშვილს, მაგრამ რას ვიზამთ...) ამ ბებოებს კი დიდხანს მხნედ და ჯამრთელად ყოფნას ვუსურვეებ. მიყვარხართ ბებოებოოოოოოოოოოო...
ამ კატეგორიის სხვა სიახლეები
11:04 / 29-05-2017  Image რატომ არ იმუშავებს მართვის მოწმობის 100-ქულიანი სისტემა საქართველოში?
საქართველოში ქულების სისტემა ნაკლებ გავლენას იქონიებს მძღოლების ქცევაზე, რადგან ის ძალიან ლიბერალური და არასრულია
10:49 / 29-05-2017  Image "ანტიპატრიარქისტების" ლუსტრაცია" - ვის დასახელებას აპირებს საპატრიარქოს იურისტი
ვინც ე.წ. "ციანიდის საქმეს" უჭერს მხარს, სურს, საქართველოში პატრიარქის მმართველობა გაუქმდეს
09:11 / 29-05-2017  Image როგორ დააცლევინეს ყანწი ფიდელ კასტროს აფხაზეთში ვიზიტის დროს - კადრი ისტორიიდან
კუბის რევოლუციის ლიდერი პირველად ეწვია საბჭოთა კავშირს და ეს ვიზიტი 40 დღეს გაგრძელდა
07:58 / 28-05-2017  Image გლდანი, მუხიანი და თემქა - საინტერესო ფაქტები თბილისის გარეუბნებზე
თბილისის ყველა ცენტრალური დასახლება ოდესღაც ქალაქის გარეუბანი იყო
20:36 / 27-05-2017  Image მსახიობი, რომელსაც გიორგი სააკაძის როლი ჩამოართვეს - "კოსტუმებიც მორგებული ჰქონდა, როცა "ზევიდან" მოვიდა ბრძანება..."
კინოში მისი მოსვლა კინემატოგრაფიის ერთ-ერთ ყველაზე მნიშვნელოვან მონაპოვარს დაემთხვა
პოპულარული კომენტარები
ინდურ სერიალად ნუ გადააქცევთ . ესაა უდიდესი ტრაგედია რაც მოხდა. მარტო ის რომ ეს გოგონა პრიმა ბალერინა გახდა, თუ ფიქრობს ვინმე ეს როგორი შრომის ფასად მიაღწია.ბალერინობას რომ მიაღწიო, უნდა იყო სათნო კეთილი, ნიჭიერი შრომისმოყვარე.რატომ არავინ არ ამბობს რატომ დაიწყო სმა ? ლოთი იყო და ისე ცეკვავდა? როგორ , ლოთობით გახდა პრიმა ბალერინა? ცოტა დაუკვირდით რა, მარტო მის ლანძღვაზე რომ გადახვედით ეგრე სადაა. იცის ვინმემ ის დედა , თუ დედობილი, როგორ ეპყრობოდა? რას ეუბნებოდა ?სულაც იქნებ მან მიიყვანა იმ ზომამდე, რომ ეს საშინელება ჩაიდინა. ჩვენ არაფერი ვიცით.იქნებ ისეა გამწარებული ,რომ არც ნანობს ეს უბედური გოგო. გ ინდათ გამლანძღეთ მეცოდება ორივე
ინტერნეტკონფერენცია
2017-05-24 06:59:12
სოციალურ ქსელში ლაშა თორდიას სავარაუდო...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49