კვირის ყველაზე კითხვადი სტატიები
თვის ყველაზე კითხვადი სტატიები
12:08 / 16-03-2017
"ვერ ვლაპარაკობდი და ფურცელზე გამუდმებით ვწერდი: "კიდევ ვარ ორსულად?" - გიორგი ლომინაძე და ნუცა გუნცაძე უმძიმესი ავარიის შემდგომ პერიოდზე...
გასული წლის 21 ივლისი მორაგბე გიორგი ლომინაძისა და მისი ცოლის, ნუცა გუნცაძისთვის, ცხოვრების ხელახლა ათვლის წერტილად იქცა. ეს თარიღი ახლა უკვე მათი დიდი ტრაგედიისა და ამავე დროს, მეორედ დაბადების დღეა. იმ დღეს მეგობრებთან, მორაგბე მერაბ კვირიკაშვილთან და მის მეუღლე ანანო ბუაძესთან ერთად ბათუმში მიემგზავრებოდნენ. ქუთაისი-სამტრედიის გზაზე საშინელ ავტოავარიაში მოყვნენ. "იქს 5", რომელსაც მერაბ კვირიკაშვილი მართავდა, და "ჰონდა ფიტი" ერთმანეთს შეეჯახნენ. ავარიას 5 ადამიანის სიცოცხლე ემსხვერპლა: ახალგაზრდა ცოლ-ქმარი ნუცა კალანდარია და გიორგი პაპასკირი და მათი მეგობარი ანი ჩხაიძე, მერაბ კვირიკაშვილის მეუღლე ანანო ბუაძე და გიორგი ლომინაძის და ნუცა გუნცაძის ჯერ დაუბადებელი შვილი. თავად გიორგი და ნუცა სიკვდილს სასწაულებრივად გადაურჩნენ... ავარიის მძიმე დღეებს და შემდგომ პერიოდს წყვილი "სარკესთან" ინტერვიუში იხსენებს. გთავაზობთ ფრაგმენტებს ინტერვიუდან:

"ღმერთმა გადაგვარჩინა. ქუთაისის ექიმებმაც სასწაულები გააკეთეს, ხალხმა კი - საერთოდ! ძალიან დიდი ბედნიერებაა ჩვენს ქვეყანაში, საქართველოში, ხალხი სიცოცხლის გადასარჩენად ასე რომ ერთიანდება. სამწუხაროდ, ამ ავარიას დიდი უბედურება მოჰყვა, 5 ადამიანი გარდაიცვალა.

- მეორე მანქანაში მყოფი 3 ადამიანიც თქვენი მეგობრები იყვნენ, არა?
- ჩვენი მეგობრების ძალიან ახლო მეგობრები იყვნენ, უცხოები არ ყოფილან. ეს მთელი ცხოვრება ჩვენი გულისტკივილი იქნება. ისე დაემთხვა, რომ გიო, ნუცა და ანა გარდაიცვალნენ და აქეთ მანქანაშიც გიო, ნუცა, ანა და მეკო ვისხედით. გიორგი პაპასკირთან საქმიანი ურთიერთობაც მქონდა, უნიჭიერესი ადამიანი იყო, არქიტექტურაში თავისი ხედვები ჰქონდა. ნუცას ავარიიდან დაახლოებით თვენახევრის შემდეგი პერიოდი ახსოვს, მანამდე არაფერი...

- გიორგი, საავადმყოფოში თქვენც უგონო მდგომარეობაში მიგიყვანეს?
გიორგი: როგორც მეუბნებიან, საავადმყოფოში მიყვანილს გული გამიჩერდა, კომაში ვიყავი. თუ სწორად მახსოვს, გონს მეათე დღეს მოვედი, კომიდან რომ გამოვედი, 2-3 დღეში ნუცაც გამოვიდა კომიდან და თურქეთში წავედით. საავადმყოფოში დაახლოებით 2 თვე ვიყავით.

ნუცა: გიორგიმ არც იცოდა, რა მჭირდა, ფეხი აქვს მოტეხილიო თუ რაღაც
ასეთს ეუბნებოდნენ. მე ვერ ვლაპარაკობდი, მაგრამ ფურცელზე გამუდმებით ვწერდი: "კიდევ ვარ ორსულად? ბავშვი ისევ არის?" - მხოლოდ ამ კითხვებს ვსვამდი. მე და გიორგი თურქეთში რომ მივდიოდით, აეროპორტში შეგვახვედრეს ერთმანეთს.

გიორგი: ეს ძალიან მძიმე შეხვედრა იყო, ამაზე ლაპარაკი არ მინდა.

ნუცა: მე ესეც არ მახსოვს.

- გიორგი, შეგიძლიათ ავარიის მომენტი გაიხსენოთ, რა მოხდა გზაზე?
გიორგი: ამაზე საუბარი არ მინდა... 1 საათი და 45 წუთი მანქანიდან ვერ ამოვყავდით, გაჭედილი ვიყავი, მანქანა გაჭრეს და ისე ამომიყვანეს. იმ მომენტში მხოლოდ ნუცაზე ვფიქრობდი, მეტზე ვერაფერზე, მანქანიდან იყო გადავარდნილი და ვხედავდი, რა მდგომარეობაში იყო.

- როგორია თქვენი ახლანდელი ყოველდღიური ცხოვრება?
ნუცა: მე და გიორგი ჩვეულებრივად ვერ ვცხოვრობთ, რადგან რეაბილიტაციისთვის საჭირო ძალიან ბევრ პროცედურაზე დავდივართ.


ეკა ლემონჯავა
ჟურნალი "სარკე"

13:11 / 27-03-2017
vova-s
0
შენ რა იცი ვინაა დამნაშავე რო ტლიკინებ ? და წაგიგრძელებია თითები იქნებ საცოდავი ფიტის მძღოლი ვინც იყო ნათელში ამყოფოს მისი სული იმის ბრალი იყო
02:47 / 27-03-2017
ნათია -s
0
ეჰ ჩემო კარგო ნატია, ტკვენ სხვებს ასწავლიტ ჭკუას..ნუ განიკიტხავრო, დაზარალებულებიო..ისე მაინტერესებს ვინც ამ კვეყნად აღარ არის ავარიის შედეგად ისინიც "დაზარალებულები" არიან ტკვენი ტვალტახედვიტ???
რა ტკმა უნდა დამნასავეა დამიანი როცა საჭესტან ზის და ისე ჩკარა ატარებს რომ მაკანას ვერ იმორჩილებს , დაამის შედეგად სიცოცხლეს სპობს. აბა აამას სხვა რა უნდა ვუწოდოტ?? შემტხვევა ხომ არა??
კანონები უნდა გამკაცრდეს, ჯარიმები დზალიან უნდა გაიზარდოს და მერე ნახეტ ჩემო კარგო ნატია როგორ ყველა კურდღლებივიტ იკცევიან პოლიციის მანკანების გამოჩენაზე, ისევე როგორც აკ, უცხოეტში არის. ტკევნ არ გესმიტ ადამიანის პსიკოლოგია და ასე მარტივად იმიტომ იმეტებს ადამიანებს "დაზარალებულტა" კატეგორიისტვის.
მსგავსი სიახლეები
ავარია ქობულეთში: მიკროავტობუსისა და სატვირთოს შეჯახებას ერთი ადამიანი ემსხვერპლა
შემთხვევის შედეგად 4 მსუბუქი ავტომანქანა დაიმტვრა
ერთმანეთს საპირისპირო მიმართულებით მოძრავი ავტომობილები შეეჯახნენ
გამოძიება 276-ე მუხლის პირველი ნაწილით მიმდინარეობს
ავარიის შედეგად, ტრაილერის მძღოლი მსუბუქად დაშავდა
სასწრაფო სამედიცინო დახმარებამ საავადმყოფოში გადაიყვანა
"ლიკვიდაცია კომპანიამ მალევე მოახერხა, თუმცა უცნობია, რატომ გახანგრძლივდა საბაგიროს შეფერხებით მუშაობა"
ამ კატეგორიის სხვა სიახლეები
15:53 / 24-09-2017  Image "დროა, დასრულდეს საუბარი თემაზე "დამზადებულია ჩინეთში"
ადამიანები მზად უნდა იყვნენ სამუშაო ბაზარზე მნიშვნელოვანი გარღვევებისთვის
20:01 / 24-09-2017  Image დაჭრაში ბრალდებული პოლიციამ ცხელ კვალზე დაკავა
შინაგან საქმეთა სამინისტროს ინფორმაციით, დაკვებულია ერთი პირი, რომელიც წინასწარი
12:05 / 23-09-2017  Image 10 ყველაზე მისტიკური ადგილი დედამიწაზე - ამ ფოტოების თვალიერებისას იფიქრებთ, რომ სხვა პლანეტაზე აღმოჩნდით
ერთი შეხედვით, შეიძლება გვეგონოს, რომ შენს თვალწინ მიწის მონაკვეთია, რომელიც ღრუბლებში დაცურავს
09:13 / 24-01-2017  Image კომპოზიტორი, რომელმაც ქართულ ესტრადაზე ეპოქა შექმნა - საინტერესო ეპიზოდები ალექსანდრე ბასილაიას ცხოვრებიდან
"ჩვენ წავალთ და ამ ქვეყნად, სიმღერები დარჩება"
22:45 / 24-09-2017  Image "მზე სასწორში გადავიდა..." - ასტროლოგი მომდევნო თვის ტენდენციებზე
"ხელსაყრელი დროა გამწვავებული ურთიერთობების დასალაგებლად, უთანხმოებების მოსაგვარებლად"
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49